سامي عبد الراضي ينتقد أحمد سعد: مستفز جدا وبيعمل تصرفات غريبة
انتقد الكاتب الصحفي سامي عبدالراضي، الفنان أحمد سعد، قائلا: «أحمد سعد مستفز جدا وليه حركات غريبة لكن هو حر».
وأضاف، خلال استضافته في برنامج «خلاصة الكلام» مع الإعلامية أميرة بدر، المذاع عبر شاشة النهار، قائلا: «أحمد سعد موهوب جدا وممكن يركب التريند لو طلع قال موال بس بصوته.. أنا وجهت له تحية لما طلع في فيديو قص الضفائر اللي كان عاملها في شعره لأنه قدوة في شباب ومراهقين كتير ممكن يقلدوه لأنه شخص مشهور وقدوة».
وفي سياق متصل، ظهر الفنان أحمد سعد في أحدث إطلالة له وهو يقص شعره أمام جمهروه في مقطع فيديو، معربًا عن امتناعه عن الأشياء الغريبة، وذلك من خلال حسابه الرسمي على موقع التواصل الاجتماعي فيسبوك.
أحمد سعد يقص شعره
وقال أحمد سعد: “عايزكم تبقوا معايا في اللحظة الجاية دي، عايز أعمل حاجة مهمة جدًا وعايزكم تساعدوني عليها، أيه السبب بقى، السبب أني خلاص توبت عن اي حاجة غريبة، أي حاجة هتزعل جمهوري اللي بحبه ويقعد يقولي لالا أنت ليه عامل كده، طبعا هتقولوا هو ليه كل شوية يعمل حاجات ويرجع يعتذر، مش مهم أنتوا هتقولوا ايه، المهم اني مش هلاقي جمهوري زعلان مني في أي حاجة تاني في حياتي، أه أنا مبعملش حاجة حرام، ولكن أنا عايش وسط مجتمع، مش عايز أعمل حاجات غريبة تاني وعايز أعيش في سلام، عايز أقول لكل اللي زعل مني سامحوني للمرة العشرين ألف، بس أعمل أيه بتحبوني وبحبكم”.
وفي سياق آخر، حصل المطرب أحمد سعد على تكريم من مجلة Enigma خلال تواجده في الولايات المتحدة الأمريكية، عن نجاحاته الفنية.
وكشف أحمد سعد على هامش التكريم تأثير الجمهور في مسيرته الفنية وعلاقته القوية بهم، مشيرًا إلى أن نقطة التحول الحقيقية في حياته جاءت عندما توقف عن السعي لإرضاء الجميع.
وقال سعد : "طول عمري بدور إزاي الناس تحبني وتعجب بيا، وقعدت أغير في شكلي وفي الأغاني عشان أنول إعجابهم، وفي الآخر اكتشفت إن الناس ماخبتنيش غير لما أنا حبيت نفسي.".
