أحمد موسى: منتخب مصر أصبح هجوميا.. وحسام حسن يقدم إنجازا كبيرا

أكد الإعلامي أحمد موسى، أن منتخب مصر أصبح هجومي وليس دفاعي يعني زمان كنت تلاقي 9 لاعبين ولاعب واحد فقط قدام، قائلَا: “الكابتن حسام حسن عامل خطة هجومية دفاعية، ورسالتي ليه عملت إنجاز كبير وشغل عالي وكمل يوم 3 يوليو المقبل قدام أستراليا وعاوزين نفرح”.
وتابع خلال تقديم برنامج على مسئوليتي، المذاع على قناة صدى البلد، :"مصطفى زيكو ومحمود صابر اختراع حسام حسن، مين كان يعرفهم بينزلهم في مباريات كأس العالم وبيسجلوا أهداف.. حمزة عبد الكريم كان هيسجل هدف بدماغه كان محتاج حد يرفعله كرة، وهيعمل كده في برشلونة والمباراة الجاية قدامه".
 

وواصل: محمد هاني ظهير أيمن عالمي متقدم، وياسر إبراهيم عمل إنقاذ المباراة وهو في الدقيقة الأخيرة من الوقت الضائع كانت هتسجل إيران جووول ولكن اللي أنقذها في الـ 6 ياردة ياسر إبراهيم بعدما قفل الكورة والجول ويستحق مكافأة على الكرة دي بس لأنه حولنا من مركز تالت لمركز تاني.
 وأضاف: مينفعش حد يتكلم عن منتخب مصر لأنهم في مهمة وطنية، ومش لو عاوز تدعم بلاش نفسنة دلوقتي واركن على جمب، لأن دعم المنتخب فرض عين لأنه بيمثل بلدنا ويرفع اسمها