بيقسط النفقة.. طليقة مسلم تكشف تطورات أزمتهما | فيديو

كشفت ضحى عبده، طليقة مؤدي المهرجانات الشعبية مسلم، عن تطورات الأزمة بينهما، عبر حسابها الرسمي على موقع تبادل الصور والفيديوهات الشهير "إنستجرام".

وظهرت ضحى عبده، في مقطع فيديو قالت خلال: "أنا مش كذابه، مسلم سافر بعد صدور حكم ضده عشان هو عمل معارضه قبل تنفيذ الحكم، عشان ميحصلش شوشرة".

وتابعت ضحى عبده، قائلة: "بالنسبة لحصولي على النفقة، مسلم تواصل مع المحامي بتاعي عشان استلام نصف المبلغ المتبقي، بيقسط الفلوس تقريبًا، لكن المبلغ تم إيداعه في محكمة السويس".

ضحى عبده: مسلم مينفعش يسافر

وفي وقت سابق، قالت ضحى عبده، عبر مقطع فيديو: "أنا معايا حكم من المحكمة 6 شهور ومينفعش إن مسلم يسافر غير لما الحكم يتنفذ ويدفع المبلغ المطلوب، بس أنا من حقي اسأل أنت إزاي عديت من المطار وأنت عليك حكم وأنا مخدتش فلوسي علشان في ناس بتقول ان أخدت الفلوس".

وأضافت ضحى عبده: "أنا مستلمتش فلوس ابني، محدش يقول كلام مش حقيقي يا جماعة، أنا لو خدت فلوس ابني هطلع أقول زي ما اتكلمت أول مرة لما كنت بتكلم عن عدم دفع النفقة".

واختتمت ضحى عبده، حينها قائلة: "أنا معايا حكم ومش هتنازل لأن مفيش حاجة مخلياني مطمنة علشان كل الكلام كذب من طليقي".

طليقة مسلم تعلق على حكم حبسه 6 شهور

وفي ذات السياق، كانت قد علقت ضحى عبده، على الحكم بحبس مسلم، لمدة 6 أشهر مع الشغل، وكفالة 3 آلاف جنيه لإيقاف تنفيذ العقوبة، وذلك في القضية المقامة ضده من قبلها، والتي اتهمته فيها بالتبديد.

وكتبت عبر إنستجرام، حينها: من فترة كنت فقدت الأمل إني آخد حقي وحق ابني من أب للأسف لقب أب لا ينطبق عليه، رمى ابنه ومبيسألش عليه وطبعًا لأنه انشغل بشغله وأطماعه والشهرة، مفرقش معاه لا صلة رحم ولا طفل كل ذنبه إني اخطأت في اختيار أب ليه ولكن هنقول إيه ده نصيب".

وأكملت ضحى عبده: "لأن الحمدلله وبعد فترة من البهدلة والجري ورا حق ابني وطبعا بعد ربنا الفضل للأستاذ واليد أبوبكر المحامي إلى بعد ربنا كان له الفضل أنه يرجع حق ابني تمكنت من الحصول على حكم بحبس طليقي وده لأنه ممتنع عن سداد نفقه ابنه وبيتهرب منها، وطبعًا مش هنسي اشكر وزارة الداخلية لأنها متأخرتش في إدراج الحكم عليه وبدأ التحريات عن محل إقامته لتنفيذ الحكم، وأخيرًا أحب أقول انه لايضيع حق وراءه مطالب".