«سخرية من آلام الولادة بألفاظ خادشة».. أحدى متضرري مستشفى الشاطبي تفجر مفاجأة
كشف ميادة، إحدى متضرري مستشفى الشاطبي، عن تفاصيل واقعة حدثت معها خلال ولادتها في المستشفى، قائلة: «أنا روحت المتشفى وأنا في أخر يوم في الشهر التاسع وهما أخروني كتير لحد ما أدخل أصلا وأنا كنت تعبانه ولازم أولد والجنين كان هيتخنق في بطني».
وأضافت، خلال استضافتها في برنامج «حديث اليوم» مع الإعلامية نهلة عامر المذاع عبر شاشة الحدث اليوم: «أنا كنت بتابع الحمل مع دكتورة أخرى.. والدكتورة في الشاطبي قالتلي مولدتيش عندها ليه.. رديت عليها إن زوجي راجل على قد حالة وهولد هنا».
وتابعت: «أنا كان معايا أشعة وتحاليل إن أنا في اخر يوم في التاسع وخلاص لازم أولد والمياه قلت جدا.. لكن هي قالتلي أنت قدامك شهر أو لازم تعملي أشعة مع إن أنا معايا أشعة اتعملت قبلها بيوم أصلا ومع ذلك عملت أشعة ودخلت لدكتور تاني علشان كشف النساء».
وأوضحت أن الكشف كان مؤلم بعض الشيئ للحد الذي جعلها تتآلم، لافتة إلى أنه كان هناك إحدى السيدات العاملات في الهيئة المعاونة للأطباء سخرت من آلمها وردت عليها بألفاظ غير أخلاقية.
وفندت الأقاويل التي تؤكد سماح المستشفى بدخول سيدات فقط مع الحالة، قائلة: «مش حقيقي وكان معايا سيدات معاهم والداتهم أو اخواتهم وكان في رفض تام لدخول أي حد مع الحالة.. وكمان الحالة بتدخل بدون موبايل».
وفي سياق أخر، كشف الدكتور أحمد زغلول نقيب أطباء البحيرة عن تفاصيل حول ما تداول عن مستشفى الشاطبي، قائلا: «الصح إننا ننظر لوجهين العملة يعني مستشفى الشاطبي والحدث نفسه».
وأضاف، خلال مداخلة هاتفية له في برنامج «حديث اليوم» المذاع عبر شاشة الحدث اليوم، مع الإعلامية نهلة عامر: «المستشفيات الجامعية بتقوم بالدور التعليمي مع الدور العلاجي، وفترة الامتياز لازمي قضيها الطالب وبعد ما يقضيها بيعتمد إنه طبيب وخلال الفترة دي بيمارس المشاهدة والتدريب علشان يتعلم وبعد كدا بيبقى في فترة النيابة لحد ما ياخد الماجستير».
وعن قرار إدارة مستشفى الشاطبي بعدم دخول بعض الأطباء لأماكن معينة، قال: «المستشفى دي بتغطي 4 محافظات وليها تاريخ طويل وهي المرجع النهائي اللي بيخدم المواطنين.. والقرار ده تم اتخاذه لأسباب، ممكن يكون في تجاوزات من أطباء الامتياز وبعدها بكام يوم بقا في تنظيم لوجود دكاترة الإمتياز وحاليا في تحقيقات داخل النيابة».
وتابع: «مفيش حاجة بتمر مرور الكرام إحنا بنحقق في كل الشيئ.. وبناشد الناس تحكم عقلها في كل شيئ على السوشيال ميديا هل هو ممكن يكون طبيعي ولا لا.. إحنا بحثنا وراء الطبيبة اللي قالت كدا أصلا لم تمارس العمل الطبي»، مؤكدا على أهمية الحفاظ على الجيش الأبيض وعدم تداول أقاويل تضره.
