حسام حسن: راهنت على مصطفى شوبير.. وحان وقت النزول بمعدل أعمار المنتخب
أكد حسام حسن، المدير الفني لمنتخب مصر، أن رهانة على حارس المرمى مصطفى شوبير جاء بناء على نظرة مستقبلية وثقة في إمكانياته، حتى قبل أن يشارك بصفة أساسية مع النادي الأهلي.
وقال حسام حسن في المؤتمر الصحفي الخاص بمباراة مصر ونيوزيلندا في كأس العالم: "راهنت على مصطفى شوبير أول ما مسكت المنتخب ماكانش بيشارك مع الأهلي، لكن كان عندي نظرة له، وفي لاعيبة كتير بشوف إنها لو خدت فرصة في أنديتها هتظهر بشكل كويس".
وأضاف المدير الفني لمنتخب مصر العميد حسام حسن “أنا شايف إن منتخب مصر كان لازم يحصل فيه إحلال، ودخول عناصر جديدة تقدر تشيل المنتخب لمدة 4 سنين قدام، ولازم معدل الأعمار يكون أقل مصطفى خد خبرات من زميل كبير زي الشناوي".
وأختتم حسام حسن قبل مباراة مصر ونيوزيلندا:" أنا كنت شايف من زمان إن مصطفى هيكون له دور مع المنتخب، هو لسة ماعملش حاجة، ومنتظر منه الأفضل هيستفيد من وجود الشناوي، عنده عقلية كويسة واحترام لكل زمايله، وده مش بييجي من فراغ".
