الطفلة ندى للنيابة: المتهمة كانت بتربطنى بالحبال عشان مخرجش برة البيت وقالتى ابوكى مات في حادثة
حصل موقع نيوز رووم على نص تحقيقات النيابة في قضية خطف الطفل ندى على يد المتهمة التي قضت اليوم المحكمة بمعاقبتها بالسجن المؤبد.
الطفلة ندى للنيابة: المتهمة كانت بتربطنى بالحبال عشان مخرجش برة البيت وقالتى ابوكى مات في حادثة
وقالت ندى أمام النيابة العامة في القضية التي حملت رقم 1593 لسنة 2026 جنايات الظتاهر ، أن المتهمة "عايدة كانت منعاني من النزول من البيت خالص وبتقفل الشبابيك عليا، وكانت بتبرر ده إنها خايفة عليا ومش عايزاني أنزل الشارع عشان في شباب كتير، وكانت بتقفل باب البيت من جوه بالمفتاح لما بنيجي ننام، وتاخد المفتاح معاها عشان منحاولش ننزل أنا أو أختي».
وأضافت «عايزة أقول إن لما كانت بتنزل هي وأختي أي مشوار أو توديها دروس، كانت بتربطني من إيدي ورجلي بنفس الحبل على الأرض، وتربطني كويس عشان معرفش أفك نفسي، وده طول ما أنا في البيت لوحدي، وكانت بتغطي عينيا بقماشة وقماشة تانية تحطها على بوقي لحد ما هي ترجع البيت، وأنا كنت ببقى متضررة أوي من الموضوع ده، عشان هي ساعات كانت بتقعد برة البيت كتير ممكن 6 أو 7 ساعات، وطول الفترة دي أنا مربوطة بحبل غسيل من إيدي ورجلي ومربوط كويس ومتغمي عينيا وحاطة قماشة على بوقي».
وقالت الفتاة في لحظة انهيار لها «أنا مكنتش عارفة أتصرف إزاي، بس كنت ببقى عايزة أدخل الحمام ومش عارفة أتحرك، وساعات كنت ببقى عطشانة أو عايزة أكل ومكنتش بعرف، وكنت ساعتها بانتظر لحد ما هي وأختي يرجعوا البيت، وعايدة دي كانت بتفكني ساعتها عشان أقدر أتحرك براحتي في الشقة، بس طبعًا من غير ما أنزل الشارع أو أفتح شباك في البيت، والحال ده فضل سنين».
وأضافت ندى أن «المتهمة بخطفها داخل مسكنها لمدة 12 عامً عرضتها وشقيقتها لأساليب حرمان، تمثلت في منعهما من استخدام الهاتف وأضافت أن المتهمة جعلت المكالمات والاتصالالت عبر هاتفها الشخصي».
وأشارت "كانت عايدة تقول لي أنا بعمل كده عشان خايفة عليكى، وعايزة أقول برضه إن من ساعة ما أنا بدأت أفهم وأنا صغيرة وهي مرضيتش توديني مدارس وأتعلم، واللي أنا فاكراه إني أنا حتى مكملتش أول ابتدائي، ودا موضوع ضايقني أوي لما كبرت عشان كان نفسي أتعلم زي بقيت البنات، والتعليم يفيد البنت ويخليها تقدر تتعامل مع الناس اللي حواليها، ويخلي البنت عندها ثقة في نفسها».
