منى أبو الغار: الولادة القيصرية تعتبر عنف ضد المرأة والحل في «الداية»
قالت الدكتورة منى أبو الغار أستاذ النساء والتوليد بكلية طب القصر العيني ، إن الولادة القيصرية تعتبر عنف ضد المرأة، مشددة على أهمية الالتفات لهذا التصرف لما له من أثار سلبية على السيدات.
وأوضحت، خلال استضافتها في بودكاست «الحل إيه» مع رباب المهدي، أن نسبة الولادة القيصرية في مصر تتراوح بين الـ 60 إلى 70% ما تعتبر نسبة كبيرة للغاية، مؤكدا أن النسبة مرتفعة للغاية بسبب وجود مشكلات في ممارسة مهنة الطب، مضيفة: «الطبيب ممكن يكون بيشتغل طول الوقت علشان كدا مش بيقدر يكون جنب المريضة طول فترة الولادة لأنه بيشتغل في أكتر من مكان».
وأضافت: «بلاد العالم عندهم فكرة الداية اللي قاعدة طول الوقت بتباشر عملية الولادة لأنها متمرسة».
وتابعت: «قرار القيصرية كمان ممكن يبقى أسرع وأسهل بالنسبة للمريض.. كمان من ناحية المريضة وأهلها بيطلبوها علشان فاكرين إنها نص ساعة وخلاص وده مش صح علشان كل شيئ ليه مضاعفات».
وأشارت إلى أن الولادة الطبيعية تحتاج تدريبات كثيرة لاتمامها على أكمل وجه دون الحاجة للتوجه للولادة القيصرية.
وعن فكرة القوانين المنظمة للولادة الطبيعية، أكدت أبو الغاز أن المريض له حق وحرية اختيار الولادة القيصرية، مضيفة أن الأطباء في المقابل لهم ور هام في توضيح مضاعفات كل آلية ولادة.
ومن جانبها أضافت الأستاذة سهي عبد العاطي نائب مدير مشروع حلول للسياسات البديلة بالجامعة الأميركية، أن الولادة القيصرية تعد عنف ضد المرأة لأنها لا تمتتلك المعلومات الكافية لاختيار ألية الولادة الأكثر أمانا لها.
وتابعت: «قلة معفرتها بيخليها تتبع قرار الطبيب اللي أصلا بيفضل الولادة القيصرية.. ده يعتبر غصب بطريقة ما لأنه بيسرح حاجة عكس الواقع هي تعتبر عنف علشان بتحصل دون معرفة اصلا لكل اللي هيحصل.. الحلول هو وجود الداية لأنها بتوفر ظروف ولادة تقدر الست تختار فيها الولادة الطبيعية بأمان».
وخلال الحلقة، أكدت الدكتورة منى أبو الغار أستاذ النساء والتوليد بكلية طب قصر العيني، أن صحة الكثير من السيدات في مصر تواجه تحديات كبيرة سواء على المستوى البدني أو النفسي نتيجة الضغوط والمسؤوليات المتعددة التي يتحملنها يوميا.
الستات في مصر صحتها مش حلوة
وقالت: «الستات في مصر صحتها مش حلوة خالص.. عندهم أنيميا مزمنة ومضغوطين جدا لأن مسؤولياتهم كتير وبالتالي نفسيتهم مش حلوة».
