صفوة: الراقصة المفروض تبطل رقص بعمر الـ 35 وأنا اعتزلت في عز مجدي
كشفت الفنانة والراقصة صفوة، أنها اعتزلت الرقص وهي بعمر 35 سنة، وأعادها المخرج وحيد حامد للتمثيل بعد فترة غياب.
وقالت صفوة في لقائها ببرنامج أسرار النجوم مع الإعلامية إنجي علي:"المفروض الراقصة لو عدت 35 سنة تبطل رقص، وأنا قررت ابطل وأنا 35 وكنت في عز مجدي، وكنت شبعت".
وأضافت صفوة: “بعد اعتزالي الرقص قعدت 4 سنين في البيت وتخنت جدًا، والوحيد الي كان متواصل معايا وبقابله وحيد حامد الله يرحمه، كان الضهر والسند والأب والصديق، وهو اللي رجعني، وقال لي أنتي تخنتي قلت له جدًا، قال لي عاوزة اشوفك، لما قابلته اداني اسكربت وقال لي نقي الدور اللي أنتي عاوزاه، وعملت دور نعناعة وكان دور حلو، تامر محسن ده مخرج هائل”.
وأشارت صفوة إلى أنها تزوجت في سن صغيرة،: “اتجوزت بدري أوي على أساس أني عايزة أعمل اللي أنا عايزاه”.
