مستشفى الشطبي..لازالت الشهادات تثبت إدانة الاطباء والتمريض حكايات سيدات

الأربعاء 17/يونيو/2026 - 01:35 م

لازالت السوشيال ميديا تعج من شهادات تعرضن للعنف داخل غرف العمليات وفي مستشفى الشطبي تحديدًا وفي مستشفيات أخرى، لقد فتحت فضيحة مستشفى الشطبي ملف المستشفيات والتعامل غير الإخلاقي مع المرضى بحجة الضغط وعدم الإمكانيات المادية للأطباء .

لازال كل دقيقة تقريبا تخرج سيدة على مواقع التواصل الاجتماعي تعلن تعرضها لهذا العنف، الأغرب أن الحكايات عبر سنين فمنهم من تروي انها تعرضت العنف أثناء الولادة منذ حوالي ١٥ عام ومنهن تروي ما تعرضت له منذ ٢٠ عام وهذا يعني أن الانتهاكات لم تكن وليدة اللحظة، ولكنها سلسلة من الانتهاكات .

كما تداولت اخبار عن القبض على الدكتورة أمينة سويلم طبيبة امتياز التي أعلنت عن الفساد بمستشفى الشطبي وكانت أول من فضحت هذا الفساد بشكل علني أمام الرأي العام، فبدلًا من أن يتم التحقيق مع كافة الأطباء والتمريض داخل المستشفى وتشديد الرقابة على كافة المستشفيات الأخرى، إلا أنه نقابة الأطباء في بيان رسمي لها وحسب تصريحات نقيبها لوسائل الإعلام كل ما يهمه هو ابعاد الشبهات عن سمعة الأطباء، وظل يدعو الجميع للتوقف عن الحديث وتخوف المواطنين من المستشفيات مما أثر تصريحات استياء الناس عبر وسائل التواصل الاجتماعي.

بعض حكايات السيدات

قالت "جودي كنزي"بمناسبة فضايح مستشفى الشاطبي،يمكن لأول مره أحكي في الموضوع دا،أختي من12 سنة دخلت المستشفى وهي بتولد، نتيجه خطأ طبي من دكتوره و قطعتلها عرق عملها إنفجار في الرحم وفضلت يومين في العناية، وكل شويه هاتوا دم، هاتوا متبرعين ونجيب ووالدتي الله يرحمها قاعده قدام العناية شايفه كيس الدم مش بيتغير اصلًا، وخايفه تتكلم ليعملوا فيها حاجه

وشالولها الرحم عشان يوقفوا النزيف، وبرضه موقفش وهي اصلا كانت ميته ع الاجهزه وهما كانوا بيجربوا فيها كل حاجه، وفي يوم الساعه7 الصبح عملوا مفاجاه لأمي وقالوها دي فاقت وبقت كويسة ورايحة تعمل اشاعة في الميري عشان الأجهزه هنا بايظه، وركبوها الاسعاف من غير حتي ما والدتي تشوفها، ووالدتي اتفاجئت بالعربية داخله المشرحة مش المستشفى هنا عرفت أن مفيش أمل وبنتها ماتت، وماتت أختي وهي حتى مشافتش أبنها اللي عنده 12 سنه دلوقتي، ولا هي حتي شافتوا، منهم لله مستشفي الشاطبي، مقبره الموت".

وسجلت اية ابراهيم شهدتها أيضًا قائلة : " ايوة انا كنت رايحة أولد فيها يوم 29-6-2021،و مميز بفلوس عشان قالولي الحضانات هناك مجهزة و كده

دخلت لقيت المميز 4 في الغرفة و الستات قالعه قدام بعض، و الستتات اللي لسه والده بدمهم في الحمام مفيش ممرضة معاهم حتى تسندها و الدم في كل الحمام، و لازم فلوس اد كده عشان حد يدخل معايا و بعد ما صوموني اليوم كله قالولي وقفنا ولادات عشان مفيش مكان في الحضانه ، ده كان من حسن حظي عشان مولدش فيها الحمدلله، ومنهم لله على الاهمال ده.

وقالت "ام بودي "، : " دي حقيقه المفروض تتسمى مقبره مش مستشفى أنا ولدوني تؤام فيها على نفس السرير بتاع الاوضه، مدخلتش عمليات ولا ادوني اي حاجه وسابو الأطفال لحد ما ماتو، والمفروض كانوا يخشو حضانه، سابوهم كدا لحد ما طلعوا في الروح وأنا من كتر النزيف كانو سايبني بطلع ف الروح على كرسي بعجل، ولا عاوزين يلحقوني حته ب اي حاجه سبحان ماكتبلي عمر جديد منهم،دا غير كمان بقا ان انا كنت طبيعي وحرفيا كل بتوع التمريض الي بيتعلمو داخلين ماشاء الله "يجربو ويلغو"وو بنات وشباب، وكل ما اصوت واحده واقفه جمب راسي تحط ايدها على بوقي اللي هو اسكتي، انا عمري ما انسى ولا انسى الحاله النفسية اللي دخلت فيها بسبب الحوار دا حسبي الله ونعم الوكيل فيهم، دعيت عليهم ساعتها ب اني اشوفها بتولع والحمد لله بعدها بكام شهر ولعت الحمد لله منهم لله فعلا".

ردود أفعال المواطنين على بيان نقابة الأطباء وجامعة إسكندرية .

قالت الهام "الطبيبة السابقة أمنية سويدان اتقبض عليها من بيتها في دمنهور بسبب بوست عن خبرتها اللي شافتها كطبيبة في العنف التوليدي في مستشفى الشاطبي الجامعي واللي اكدته تقارير صحفية كتير قبل كده عن مستشفيات حكومية كتير

بدل ما البرلمان ونقابة الاطباء والمجلس القومي للمرأة والطفولة والامومة يعملوا تقصي حقائق ويشوفو ازاي مستشفيات الدولة اتدهورت كده النقابة اصدرت بيان قبلي متعجرف بيقول ما جالناش شكاوي واجهزة الأمن قبض على الطبيبة الشابة

خرجوا أمنية واصلحوا احوال المستشفيات وكفاية عار بقا".