محمد مرزبان بلقاء قبل وفاته بحادث موتوسيكل: أمي قالت لي هتموت ومش مستغنية عنك
تحدث الفنان محمد مرزبان في بودكاست قبل عام عن عشقه لركوب الدرجات، مشيرًا إلى أن الأمر في البداية لم يكن به حرية بسبب وقوف أسرته أمامه ومنعه من ممارسة هذه الهواية خوفًا عليه.
وقال محمد مرزبان:"ركوب الدرجات علمني ووراني حاجات مكنتش أعرفها، بركب من زمان، لكن مكانش فيه حرية في البداية لأن أهلي كانوا واقفين قصادي وأمي قالت لي أنا مش مستغنية عنك.. أنت هتموت، لأن كان بيحصل حوادث وللأسف ناس كتير أعرفهم ضيعوا نفسهم وفقدوا أعز حاجة عندهم ومبقوش يمشوا بسبب التهور، والأهل بيخافوت علينا".
وأضاف محمد مرزبان: “بدأت أركب من سنة 80 وكنت وقتها عايش بره في إنجلترا والسواقة فيها مش سهلة بسبب الأرض والأمطار والتلج، ولما رجعت مصر الحنين للموتسيكل رجع، وبدأت باسكوتر علشان أحل به مشكلة الزحمة والمواصلات بعدها نطيت وجبت الهواندا 1300 وبعدها طلعت على 1800”.
وتابع الفنان الراحل: “أنا من أوائل الناس اللي عملت مسافات طويلة، واتعلمت حاجات مكنتش أعرفها، وكنت بروح المنيا وساملوط واكتشفت أن بلدنا وحاجات كتير تستحق الواحد يشوفها، ولما كانوا يقلولوا لي نسافر بره أقولهم اكتشف بلدي الأول”.
ورحل عن عالمنا الفنان محمد مرزبان عالمنا صباح اليوم الأربعاء عن عمر ناهز 64 عامًا، في مستشفى أبو خليفة بالإسماعيلية بعد تعرضه لحادث يوم السبت الماضي على طريق "مصر-الإسماعيلية"، خلال ركوبه للدراجة النارية وممارسة هوايته المفضلة، إذ اصطدمت به إحدى السيارات.
