«نيوز رووم» تنشر شهادة طبيبة جديدة عن فضائح مستشفى الشاطبي
توالت الشهادات الصادمة حول ما يحدث من كوارث داخل مستشفي الشاطبي للولادة، حيث نشرت إحدى الطبيبات شهادة أخرى لما يحدث داخل المستشفى حيث أكدت أنها كانت شاهد عيان خلال فترة عملها بالمستشفي.
وقائع مؤسفة داخل مستشفى الشاطبي
وأكدت علياء غراب في منشور على صفحتها الشخصية أنها كانت تعمل في مستشفي الشاطبي وأثناء وجودها في شيفت المبيت كانت شاهد عيان على عدة وقائع مؤسفة تعرضت لها مريضات داخل المستشفى.
تعرض إحدى المريضات لمعاملة سيئة
وكشفت عن تعرض إحدى المريضات لمعاملة سيئة أثناء إجرائها عملية إجهاض بعد إصرار الطبيب على إجراء العملية بدون بينج مما دفعها للخروج وهي تنزف، كما تعرضت مريضة أخرى للإصابة بعاهة مستدمة وهى عدم الإنجاب مدى الحياة بسبب تعمد الطبيب ربط الأنابيب لمعاقبتها على حملها بدون زواج، كما ذكرت أيضا تعرض مريضة لفقدان المبيض بسبب خطأ طبي وسط لامبالاة من الأطباء.
مأساة تهز القلوب
وقالت غراب في منشورها: «بمناسبة الموضوع المفتوح ده وإنه من أقذر الأماكن إللي ممكن أي إنسان يدخلها كنت ف شيفت نایت جت واحده بتجهض طفلها و جوزها بره البوابات خالص ومعهاش موبايل، السينيور المحترم دخل ع الحيا يجهض وينضف هي عمالة تصوت و تعيط والتمريض يههههه وبتاع وهو والممرضة يزعقولها واسكتي خالص ويعيني تقوله طب اصبر عليا، يقولها لو سيبتك هخليهم يطلعوكي بره وأسيبك تنزفي لحد ما تموتي تقوله طب اديني بنج، يقولها اخرسي بطلي دلع وأخيرا، الست قامت من السرير تصرخ و تصوت وقالت عاوزه أموت، و تقولي والنبي يا دكتوره، إتصلي بجوزي بالله عليكي ، طب خرجيني له و هی ماشیه تزحف و تنزف ع أخرها راح السينيور و التمريض ، قالولي لو قربتلها ولا اتصلتي ب حد ، هتزعلي جامد مننا»
قصة إجهاض سيدة
وتابعت: «مرة حالة جت تجهض مش متجوزة راح الدكتور المحترم ربطلها الأنابيب وقال عشان متعملش كده تاني عقابا ليها يعني هو حكم عليها طول عمرها تتحرم من الخلفة، وكأنه والعياذ بالله ربنا بيحاكم الناس ع غلطاتها».
وأكملت: «كنت ف عمليات وست بتشيل الرحم بس و المفروض يحافظوا ع المبايض، راح النائب حرفيا شد خيط جامد لقينا المبيض خبط ف سقف أوضة العمليات و نزل فأخر الأوضة.. راح السينيور "الله يرحمه" زعقله و قاله هتمشي ع هرمونات بسببك و انتهى الحوار عادي بالنسبالهم تعديل بس ده حصل بجد قسما بالله مش تأليف موقف و أي عبط، أنا حاضرة الموقف و شيفاه بعيني و وقتها اتصدمت ايه ده يجدعان والسينيور الله يرحمه حالياً غطى الموضوع لأن النايب كان لسه صغير عنه و بيتعلم»
واختتمت: «ده غير الحالات اللي بتولد طبيعي ف طرقة الولادة والدكاترة المحترمة بتضربها على رجليها وهي عريانة وبطلي دلع یا…».
