عمر كمال في عيد ميلاد محمود الليثي : مش عارف قيمة نفسك

احتفل مغني المهرجانات عمر كمال بعيد ميلاد المطرب الشعبي محمود الليثي، حيث شارك عبر حسابه الشخصي على فيسبوك صورة جمعتهما، موجهًا إليه رسالة تهنئة.

وكتب عمر كمال : "أولًا كل سنة وأنت طيب وكل سنة وأنت وسطنا وحبيبنا وبنكبر بيك، ويخليك لينا ولبيتك وعيالك وجمهورك اللي بيحبك".

وواصل عمر : "ثانيًا كويس إن فيه مناسبة علشان الواحد يديك حبة صغيرين من حقك، محدش في اللون الشعبي لا يجي جنبك ولا يتقارن بيك، ونقول الأول محمود الليثي ونسيب 10 فراغات وبعدها نحط اسم حد".

وأضاف عمر كمال : "21 سنة اجتهاد ونجاح، لو شيلنا أغانيك من السماعة الغنا الشعبي بجد هيتأثر كتير من غيرك، أي حد بيفهم مزيكا وعلم نغم، عارف مدى تأثيرك وبصمتك في اللون الشعبي، وإزاي قدرت تغير مقام الكورد وتعمل لنفسك طريقة غنا، وإزاي عملت لنفسك شارع باسمك في الشعبي".

واختتم عمر : "أنت قيمة فنية كبيرة أوي، وحقيقي مش عارف قيمة نفسك ولا عارف حجمك، وكتير بقولك أنت الوحيد اللي مش عارف مين محمود الليثي".

يُذكر أن المطرب الشعبي محمود الليثي، كان قد طرح منذ ساعات قليلة أحدث أغانيه والتي جاءت بعنوان "ألحقوني"، ويشاركه في غنائها عمر كمال وسارة الزكريا.

أغنية ألحقوني جاءت على طريقة الفيديو كليب، وهي من كلمات إسلام المصري، ألحان أوكا وأورتيجا، توزيع باسم منير، والكليب من إخراج أمير صابر.