نادر نور : عملت أغنية لإليسا وأنا نايم وحلمت بالكلمات

قال الملحن نادر نور، خلال استضافته في حلقة اليوم من برنامج «كلام الناس» المذاع عبر شاشة ام بي سي مصر، مع الإعلامية ياسمين عز : «عملت أغنية لإليسا وأنا نايم.. حلمت بجملة فكروه فاتني وبستناه وكمان بقا عرفوه مين فات حبيبة تاه.. وصحيت سجلتها»

وأضاف نادر نور: «لحنت أغنة للفنانة القديرة وردة وماتت قبل ما تعملها وعندي فيديو فيه إشادتها بيا في أحد البرامج.. وحاليا الأغنية موجودة بس مفيش مطربة عايزة تاخدها علشان فيها جملة “من20 سنه” وهما رافضين حد يحسبلهم السن».

كشف الملحن نادر نور عن  سبب الجدل الذي حدث خلال الفترة الماضية: «أنا حصلي ظروف شخصية بعدتني وده طبيعي  وأنا مش بعرف أفصل بين الشغل والحياة.. ومحاولات الرجوع كانت عايزة مجهود كأني ببدأ من الصفر.. وبدأت من 2021 أحضر واتثقف وبدأت أخر 2022 أخبط على الأبواب وأحيانا كان في استجابة وأحيانا لا»

وأضاف، خلال استضافته في برنامج «كلام الناس» مع الإعلامية ياسمين عز المذاع عبر شاشة ام بي سي مصر: «في ناس اشتغلنا قبل كدا ومكانش في رد فعل.. وأنا معنديش عقدة العمل مع النجوم أنا اشتغلت مع شباب كتير جدا.. لكني حاولت اخبط على أبواب علشان أرجع لكن في ناس ظهرت واختفت وممكن نتقابل صدف ويقولولي كلمنا وبعدين مفيش استجابة.. هي ظروف وأنا مش زعلان من حد، لكن فين حق الرد مهم أنا مش ليا اسم مش شرط النجم ينفذ الأغنية». 

سوء تفاهم مع رامي صبري 

وتابع: «في ناس حاليا ببعتلهم مش بترد الناس دي كان أغانيا مكسرة الدنيا وهما مكانوش طلعوا لكن في ناس بترد يعني مرة محمود العسيلي رد وقالي مش شبهي وأنا احترمته جدا جدا، أما موضوع رامي صبري جه صدفه ومكانش هو المقصود خالص»

وواصل: « إحنا أه لازم نساعد المواهب الجديدة وأنا بحاول أعمل ده.. لكن حقيقي أنا في المرحلة دي مش قادر أعمل ده خالص».

وفي وقت سابق، نفى الملحن نادر نور وجود خلاف مع المطرب رامي صبري، بعد تصريحات الأخيرة التي أشار من خلالها رامي إلى عدم رده على الملحنين بسبب عدم التجديد، وربط الكثيرون حديثه بـ نادر، بعدما أكد الملحن معاناته من قلة العمل في الفترة الأخيرة.