ابن مين فيهم؟.. ياسمين عز تفتح النار على سيدة تزوجت رجلين معا

علقت الإعلامية ياسمين عز عن السيدة التي تزوجت رجلين، وقالتك «في ست اتجوزن اتنين مع بعض والاثنين عرفي، هي عندها 32 سنه بتشتغل في محل موبايلات وده شيء لا يصدقه عقل والموضوع اتكشف بالصدفة واللي اكتشف نزل يبلغ في قسم مدينه نصر وده محرم شرعي وقانونا».

وأضافت، خلال حلقة اليوم من برنامج «كلام الناس» المذاع عبر شاشة ام بي سي مصر: «المفاجأة أن الست لم تنهار ووقفت وقالت آه متجوزة الاتنين وبحب الاتنين ومفيش مشكله وهنا هسكت قليلا علشان مقولش كلام مينفعش اقوله.. عندي سؤال هي لو حملت وخلفت هيبقى ابن مين؟ كانت هتبقى قصه طويلة جدا، طيب هي قالت للتاني إيه علشان تقنعه تتجوزه على الاولاني .. على العموم حاليا هي محبوسة وياريت العالم ينتهي ونخلص».

وفي وقت سابق، قالت الإعلامية ياسمين عز:«كل فترة يظهر عندنا فيروس، لأن البشرية عايشة أصلا عايزة تنتهي، بس إحنا بنقاوح ومتشبثين بالحياة، وكل شوية ييجي فيروس، بس إحنا متشبثين كويس.. الفيروس الجديد إيبولا وربنا يجعل كلامنا خفيف عليهم هيخلينا هنعمل تسجيل ومتابعة لكل اللي جايين من برة ونعمل فحص ونحطهم 21 يوم تحت الملاحظة وربنا يستر».

وأضافت، خلال حلقة اليوم من برنامج كلام الناس المذاع عبر شاشة إم بي سي مصر: «تعليق صغير لأي حد جاي من المطار منلزقش فيه ما نحضنهوش، ممكن نسلم من بعيد لحد ما نشوف الفيروس رايح فين».
ووجهت نصيحة للسيدات قائلة: «لما تكوني يا شيماء مسافرة بلد عربي شقيق جنبنا وتنزلي يوم الإجازة إنت وسلاحفك الصغيرين تلعبوا في الجنينه أو الحديقة، ويكون فيها مرجيحة، وابنك كريم يقعد على المرجيحة ويلزق وييجي ابن جارتك عايز يلعب يقوله لا أنا حاجزها لأختي جنى ده غلط.. ابنك يلعب شوية على المرجيحة وبعدين شيليه من قفاه عشان ابن الست التانية، ابن البلد عايز يلعب في الحديقة العامة، هي مش بتاعتنا».

وأردفت: «بلاش ابنك وبنتك يقعدوا بالأدوار يمسكوا المرجيحة لحد ما الدنيا تليل.. شيلي عيالك من قفاهم بالتيشيرت اللي عليه ميكي ماوس ده... أنا جالي شكاوي وستات كتير قالوا لي اتكلمي وكله إلا الأمهات».