تحذير صادم: 61 مستوطنة جديدة قد تقضي على حلم الدولة الفلسطينية
حذر خبير الطاقة عبد الحميد أحمد حمدي من خطورة التطورات الجارية في الضفة الغربية، معتبرًا أن التركيز على الجدل السياسي وتبادل الاتهامات أبعد الأنظار عن الخطر الحقيقي الذي قد يترتب على التوسع الاستيطاني الإسرائيلي.
وقال حمدي، عبر حسابه على منصة إكس: «فاكرين كل حاجة إيران بس اللي بيحصل أخطر بكتير، الناس مشغولة بالعناوين والشتيمة، وأي حد ينتقد إيران يتقال عليه صهيوني، ومحدش واخد باله إن الكنيست قبل نهاية مدته وقبل الانتخابات بيحاول يمرر خطة لتمويل 61 مستوطنة بـ350 مليون دولار، ويبدأ التنفيذ فورًا».
وأضاف: «القانون ده لو عدى، مش بس هيقضي على فكرة الدولة الفلسطينية، ده كمان هيقطع أي تواصل جغرافي حقيقي، ويحول الضفة إلى كانتونات معزولة ملهاش معنى، زمان كانوا مختلفين على 18 مستوطنة صغيرة، النهارده بيتحط الأساس لإنهاء القضية بالكامل، وطبعًا اللي مقدم القانون والخطة هو اليمين المتطرف».
وتابع: «لما كنا بنقول إن 7 أكتوبر هتدمر القضية اتشتمنا، ولما نقول إن من حق أهل غزة ينزلوا يوم 26 يونيو يعترضوا على حماس تتهموا الناس، فينكم دلوقتي؟ اللي بيحصل مش خبر، ده تثبيت نهائي لواقع لو اتفرض، مفيش قضية بعدها أصلًا، وأنتم مش فاضيين غير للاتهامات ومش عاوزين حتى تعرفوا التفاصيل».
