وائل الإمام يفضح المشجعين السلبيين: «عموتة» ضحى بنصف راتبه للأهلي والجمهور يهاجمه
أكد الناقد الرياضي وائل الإمام، عبر حسابه على منصة إكس، أن المدرب الجديد للأهلي، حسين عموتة، حاصل على UEFA Pro Licence، وهي أعلى درجة تدريبية أوروبية، وتؤهله لتولي تدريب أكبر الأندية والمنتخبات على أعلى المستويات.
وأشار الإمام إلى أن الانتقادات المبكرة من بعض المشجعين على مرتبات المدرب أو خبراته غير مبررة، موضحا: «عموتة حاصل على UEFA Pro Licence، الرخصة الاحترافية الأوروبية وهي أعلى درجة تدريبية معترف بها من الاتحاد الأوروبي لكرة القدم، وتؤهل حاملها لتدريب أكبر الأندية والمنتخبات على أعلى المستويات».
تابع: «تخيل لما المشجع البائس اللي مديون لطوب الأرض ومستقبله كله سواد يجي يتنمر على مدربك الجديد ويتريق على مرتبه وهو مش عارف يدفع ثمن كارتونة مياه لجوميز، دعم مدربك الجديد من أساسيات تشجيعك للأهلي، وكفايا تنظير والدخول في كلام سلبي يعمل ضغط ويصدر مشاكل من قبل استلامه مهمته أصلا الأهلي محتاج جمهوره الفترة اللي جايه وتكون خلف الفريق علشان ترجع، ماهو مش هيرجع غير بيك».
أوضح: «عموتة راتبه الأخير في الجزيرة الإماراتي 360 ألف دولار ونزل بالراتب دا 50% عشان يجي يدرب الأهلي، فغريبة إنك ترجع لواره حبتين وتقولي دا كان بياخد في الأردن كذا، وبقولك ايه الكلام دا ميهمنيش، واللي يهمني إن ربنا يوفقه، هو أنت بتدفع حاجة من جيبك يا ريس؟».
اختتم: «أنت بتخلص مشاكلك والدنيا رايحة للأحسن إن شاء الله، ومفيش ديون عندك زي غيرك وبتجيب لاعبين جدد ومدربين، وده عامل حرقان. خليك وراه ناديك يا أهلاوي».
