صبا مبارك عن دورها في «ورد على فل وياسمين»: خفضت وزني واهتممت بالتفاصيل
أشادت الفنانة صبا مبارك بموهبة الفنانة فدوى عابد، مؤكدة أنها تمتلك كاريزما وحضورا لافتا وموهبة كبيرة، كما تحدثت عن كواليس تحضيرها لأحد أدوارها، مشيرة إلى أنها أجرت تغييرات في الشكل والوزن واعتمدت على تفاصيل دقيقة في المظهر من أجل خدمة الشخصية وإظهارها بشكل واقعي.
صبا مبارك تشيد بموهبة الفنانة فدوى عابد
قالت الفنانة صبا مبارك: خلال لقاء ببرنامج «الحكاية»، على قناة «إم بي سي مصر»«أنا بشوف إن فدوى عندها حاجة مميزة جدا، وكاريزما ربنا مديهالها، وشخصية محبوبة جدا، وبشوف حواليها دايما ناس وأطفال كتير عايزين يتصوروا معاها، وده بيبقى شيء مبهر»، وأضافت: «هي عندها كاريزما وحضور طبيعي قوي، وفيها موهبة كبيرة فعلا».
دورصبا مبارك في مسلسل ورد على فل وياسمين
وتحدثت صبا مبارك عن تحضيرها للدور قائلة: «حسيت إن مهم أغير شكلي شوية في الشخصية، وعملت كذا حاجة عشان الدور يكون مختلف».
وتابعت: «فعلا خفضت شوية وزن عشان الشخصية كانت مريضة، وكان لازم الشكل يعكس ده، وهي كانت مريضة من قبل بداية الأحداث».
وأضافت: «ماكنش الهدف نحرق تفاصيل، لكن كان مهم جدا بالنسبة لي إن الشخصية تبقى واقعية، وعشان كده ركزنا على التفاصيل الصغيرة جدا».
وأوضحت: «اشتغلنا مع مينو صليب الماكيير إن الشخصية يكون فيها تفاصيل دقيقة زي النمش، لأن البطلة بتمشي كتير في الشمس، وكنا مهتمين بكل التفاصيل حتى شكل الحجاب والشنطة وطريقة اللبس، كل حاجة كانت محسوبة».
وتابعت قائلة: «حتى ابنها في العمل كان طفل شاطر جدا وممثل ذكي وموهوب جدا، سواء في المسلسل أو في الحقيقة».
