الفنانة غادة عادل تكشف تجربتها مع «الفيلر» ورأيها في عمليات التجميل

تحدثت الفنانة غادة عادل حكت عن رأيها وتجربتها مع عمليات التجميل، خلال لقاء ببرنامج “صاحبة السعادة” على قناة DMC.

رأي غادة عادل في عمليات التجميل

وسألت الإعلامية إسعاد يونس الفنانة غادة عادل عن رأيها في عمليات التجميل، فأجابت: أنا بصراحة صاحبتي عملت العملية وقعدت معايا في البيت، وكنت بشوفها قد إيه اتعذبت. 

وتابعت غادة عادل: يعني أنا شخصيًا ما عملتش التامي تاك العادية، بس شفت صاحبتي وهي بتعاني جدًا. والحقيقة إن الموضوع مش سهل، والوجع فيه كان صعب قوي، خصوصًا مع الإجراءات والتخدير.

الناس بتبالغ في عمليات التجميل

وأوضحت: الناس ساعات بتبالغ في عمليات التجميل وبتطلع شكلها مش متناسق. قالت: "أنا بحب الحاجات على قدها، كل حاجة لازم تبقى لايقة عليك وطبيعية، مش شكل مبالغ فيه.

وأكدت: «عمليات التجميل لها مواصفات معينة ولازم تتعمل صح، عشان النتيجة تكون طبيعية ومريحة للشخص».

وأضافت: «أنا دايمًا بحس إن فيه شوية حاجات ممكن تتعدل أو تتحسن، بس على قد الجسم والشكل الطبيعي، مش حاجة كبيرة أو مبالغ فيها». 

الأهم كل حاجة تبقى طبيعية

ولفتت إلى أن الأهم: «كل حاجة تبقى طبيعية، وتدي شعور بالراحة والثقة بالنفس، من غير ما تتأثر صحتك أو تتعبك».

وبالنسبة للملابس والمظهر بعد العمليات، قالت غادة: «لما بنلبس المايوه أو أي حاجة برا، لازم تبقى متناسقة مع الجسم، وتدي شكل حلو طبيعي، ده اللي يفرق أكتر من أي عملية كبيرة أو مؤثرة».

غادة عادل حصلي مشكلة بسبب الفيلر

وعن أزمة «الفيلر»، قالت غادة عادل: خلال تصوير مسلسل «قلب ميت» عام 2007، مع الفنان شريف منير والمخرج مجدي أبو عميرة، كانت نحيفة للغاية، ولم أكن أعرف شيئا عن أطباء التجميل أو هذه الإجراءات، متابعة: حد نصحني أعمل شيء بسيط في الخدود.

وتابعت خلال لقائها مع الإعلامية إسعاد يونس ببرنامج" صاحبة السعادة،: «ذهبت إلى طبيب وضع لي مادة في الخد عشان تبقى أكثر نضارة، وكنت مفكرة إن الأمر مجرد فيلر عادي يزول مع الوقت.

وواصلت: بعد سنوات لاحظت ظهور شيء غريب في وجهي، وذهبت إلى أكثر من طبيب وخضعت لمحاولات علاج بالليزر وغيره، لكن دون معرفة السبب الحقيقي، مضيف

وأضافت: سافرت إلى إنجلترا، وروحت لأحد الأطباء فسألني إذا كنت عملت فيلر قبل كده، فقلتله لأ، لأن انا روحت للطبيب بعد 7 سنوات من عملية الفيلر.

وأوضحت: «الطبيب عملي فحوصات وأشعة، واكتشف إن المادة التي وضعت في وجهي كانت فيلر دائم.. أنا فاكراه الفيلر اللي بيروح بعد مش عارف 6 شهور».