إسعاد يونس وغادة عادل عملوا مقلب في رامز جلال.. والأخير: لما أرجعلكم
في حلقة برنامج صاحبة السعادة، أجرت الإعلامية إسعاد يونس اتصالا هاتفيا مباشرا بالفنان رامز جلال على الهواء، أثناء لقاء الفنانة غادة عادل.
قالت إسعاد يونس لـ غادة عادل: «مين اللي ممكن نطلوبه دلوقتي ويرد عليكيرامز ولا كريم؟»، وأضافت: «صدقي إن رامز يرد علي على طول… هو بيرد فعلا حتى لو مشغول»، وتابعت: «لو رد قولي له إحنا على الهواء عشان ما يعقش الدنيا».
وقالت إسعاد يونس خلال الحديث مع غادة عادل: «هو بيرد… حتى لو ما ردش هيكلمنا بعدين»، وأضافت: «رامز رامز… هيترد دلوقتي أكيد».
وخلال المكالمة، وبعد بدء الاتصال، رد رامز جلال قائلا: «إزيك يا إسعاد… عامل إيه؟»، وأضاف: «أنا لسه شايف الاسم… إزيكوا عاملين إيه؟».
وقالت إسعاد يونس: «إحنا على الهواء يا رامز… إحنا بنكلمك على الهواء دلوقتي»، وأضافت: «كنت متأكدة إنك هترد… وكسبت الرهان»، وتابعت: «ده حبيب قلبي وعشرة العمر»، ورد رامز جلال قائلا: «وحشتوني… ربنا يخليكم»، وأضاف: «أنا معاكم أهو».
وتابعت إسعاد يونس: «أنا كنت متأكدة إنك هترد، قلت لغادة أكيد هيرد»، وأضافت: «إنت دايما بترد على طول».
وفي سياق متصل، غادة عادل: «أنا متفاجئة جدا إنك رديت كده على الهواء»، وأضافت: «ما كنتش متوقعة الموقف ده خالص»، ورد رامز جلال: «هو أنا أقدر ما أردش؟.. إنتوا بتعملوا فيا أنا كده على الهوا؟ لما أجيلكم».
وأوضحت إسعاد لرامز: «إحنا كنا بنتكلم مين فينا يكلمك وترد، وقلت لغادة رامز أكيد هيرد»، وأضافت: «وأهو رد فعلا»، وقال رامز جلال: «أنا دايما برد، حتى لو رقم مجهول»، وأضاف: «بس لما شوفت الاسم قولت لازم أرد».
وطالبت غادة عادل من رامز جلال قائلة: متعملش فيا مقالب تاني يا رامز»
