«جوزي طردني من البيت عشان صاحبه».. استغاثة سيدة مصرية من داخل إيطاليا

تداول رواد مواقع التواصل الاجتماعي فيديو لاستغاثة سيدة مصرية في إيطاليا بعد تعدي زوجها عليها وطردها في الشارع، قائلة: «أنا هعمل اي دلوقتي هنا أنا من حقي أعرف أنا هعمل اي هنا وعايزة حقي عشان أنا مفيش حد معايا هنا أنا مليش حد هنا غير ربنا». 

وأضافت: «والناس اللي كانت بتساعدني في شغل وسكن أنا معرفش أنا عايشة إزاي أنا مرة قعدت في الجنينه من بليل لحد الصبح لدرجة أني اتجمدت كذا مرة في قلب الجنينة وفكرت أموت نفسي هنا مليون مرة حتى ممعاييش خط أكلم أهلي كل شوية أوقف حد أعمل من عنده مكالمة وألاقي أي حد مصري أعمل من عنده مكالمة وجبت خط دلوقتي ولكن لسه مشتغلش معايا محتاج وقت لحد ما يشتغل». 

أوضحت: «مش عارفة أكلم حد ومش عارفة أتواصل مع حد ومش عارفة أعمل حاجة خالص أنا عملت ورقة بالضرب وروحت المستشفى ومرضيتش أكمل المحضر للأخر عشان في ناس مصريين هناك قالولي جوزك هيتأذي وأنا مرضيتش أذيه لكن هو أذاني كتير من ساعة ماجيت هنا». 

بقالي هنا 6 شهور معاه كل شوية يفتح الباب ويطردني

وتابعت: «أنا بقالي هنا 6 شهور معاه كل شوية يفتح الباب ويطردني أنزل أقعد في الجناين لحد الساعة 4 بليل وكل ده بسبب أني روحت قولتله صاحبك ده حد مش كويس وبيضايقني هو مصدقنيش أنا مراته ومصدقش أنه صاحبه ده مش كويس وصاحبه ده بيفضل يرن عليا ومعايا المكالمات كلها اسكرينات بيخليه ينزل للشغل ويفضل يرن عليا وبيفضل يبعتلي على الواتساب كمان». 

واستكملت: «أنا مرة فتحت باب الشقة لقيت صاحبه ده بيقولي تعرفي تعملي نسكافيه خشي اعمليلي نسكافيه ودخل قعد وجوزي راجل البيت مش موجود وجوزي جه من الشغل وشافه قاعد وعادي مفيش مشكله وأنا اتبهدلت هنا كتير اتبهدلت هنا بسببه واللي ظاهر للناس غير كده لأنه أكيد مش هطلع أقول كده عشان الناس متشمتش فيا فيمشيني من البيت عشان الغسيل ف كل دي تلاكيك وتسخين من صاحبه عليا علشان خاطر أنا قطعت رجله من البيت ولو انت كزوجي معندش دم ومبتخافش عليا أنا خايفة على نفسي».