«اعتـدوا على عيالي».. سيدة تطالب بسرعة عرضها وأطفالها على الطب الشرعي

تداول رواد مواقع التواصل الاجتماعي فيديو لسيدة تستغيث بعد قيام أخيها وزوجها بالاشتراك مع والدتها وأخت زوجها بالتعدي عليها وعلى أولادها جنسيا، مؤكدة أنها لن تترك حقها وحق أولادها، كما طالبت بسرعة التدخل من الجهات الحكومية وخضوعها هي وأولادها إلى تحاليل الطب الشرعي مؤكدة أنها مستعدة لأي تحقيق. 

وقالت السيدة: «أنا مش هسيب حقي وحق أولادي وأنا عايزة أتعرض على الطبيب الشرعي أنا وأولادي في أسرع وقت وعايزاهم يعملولنا تحليل ويكشفوا على أولادي». 

أمي كانت بتحط لأولادي منوم 

وتابعت: «أنا أمي كانت بتحط لأولادي منوم وهما عندها عشان اخويا يتعدى عليهم ويتحرش بيهم وجوزي كان بيحطلهم نفس المادة دي ولقيت واحده في جيبه هوديها برضو تتحلل ونشوف هي دي نفس المادة اللي في جسمنا ولا لا». 

وأوضحت: « كانوا بيحطولي منوم أنا كمان عشان أنام ومحسش بأولادي وأمي وأخواتي كلهم كانو متفقين مع جوزي عليا وأخت جوزي كانت عارفة وكانت بتحطلي المنوم في الشاي أو في أي حاجه بتعملهالي وأروح دايخة كلهم اتفقوا عليا أنا عايزة أحلل». 

أنا جاهزة لأي مسؤولية قانونية 

وأشارت إلى أنها تريد الذهاب إلى الطب الشرعي من أجل التحليل، متابعة: «أنا جاهزة لأي مسؤولية قانونية وحاسبوني لو أنا طلعت بفتري بس اكشفولنا الأول أنا بقالي 4 أيام بلف على الأقسام ومحدش راضي يعملي البلاغ وفي الأخر قالولي اعمليه في النيابة وروحت النيابة قالولي اعمليه جواب الكتروني تتحددلك أنه انتي تعمليه ولسه الجواب هيطلع بعد 4 أيام وأنا دلوقتي عايزة أحلل دلوقتي قبل ما الزفت ده يروح من جسمنا أنا لو محدش شاف حل وجابلي حقي أنا ممكن أعمل فيهم جريمة».