تامر حسني لـ فنان شاب: "الأجيال الحالية لازم تتابعك كلها"

أشاد الفنان تامر حسني، بالفنان الشاب حمدي عاشور، بعد ظهوره في برنامج ماسبيرو، الذي يقدمه الإعلامي رامي رضوان، عبر شاشة القناة الأولى للتليفزيون المصري.

وكتب تامر حسني، من خلال خاصية "الاستوري"،  عبر حسابه الرسمي على موقع تبادل الصور والفيديوهات الشهير "إنستجرام"، قائلًا: "الفنان الشاب الجميل الراقي ده يستحق كل الدعم والحب والتقدير".

وتابع تامر حسني، قائلًا: "أنا من اللي بيتابعوا محتواه والخير اللي جواك يا حبيبي هيوصل لأنك مصدق وحقيقي وبتقدم شيء حقيقي مفيد، والأجيال الحالية لازم تتابعك كلها".

وأضاف تامر حسني، قائلًا: "متتصورش أنا فرحان بمحتواك إزاي وسط زحمة الأفكار المسممة اللي بتتقدملنا كل شوية، محتواك كل أسرة عايزاه يمكن أي شخص بيقدم احترام وتعليم للناس في العصر ده بيقابل صعوبة عشان بيبقى ماشي عكس التيار، بس هو ده تحديك و هي دي قصتك يا بطل، إنك توصل وسط كل ده في الزمن اللي مقاييسه كلها اتشقلبت". 

وأكمل تامر حسني، قائلًا: "بدعو كل الناس تتابع الشاب اللي يفرح القلب ده، و شكرًا للإعلامي الكبير رامي رضوان إنه اهتم وقدمك على شاشة تلفزيون بلدنا العظيمة".

واختتم تامر حسني، قائلًا: "ربنا معاك يا حبيبي حقيقي يسلموا اللي ربوك وبالنسبة لخطيبتك الجميلة معلش استحمليه عشان خطيبك بطل".

حفل تامر حسني: رجعت عملت عروض كاملة زي 2007

ومن جانب آخر، أعرب تامر حسني، عن سعادته الكبيرة بنجاح حفله الأخير على مسرح أرينا بالتجمع الخامس، الذي أحياه في نهاية شهر مايو الماضي. 

وكتب تامر حسني، قائلًا: "حفلة الأرينا بجد أحلى حفلة في حياتي، ومبسوط إنكم اتبسطوا بيها أوي كده وعملت كل اللي كنتوا بتقولولي عليه غنيت أغاني مش بغنيها و قدمت توزيعات جديدة و لعبت ريمكسات جديدة متسجلة عشان خاطركم من جديد زي ما طلبتوا مع ال Dj هانز، و الموزع الكبير جلال فهمي و الفنان الراقي سام محمد، و سهرنا شهر كامل نسجل، و نوزع من جديد كإني بعمل ألبوم و رجعت عملت عروض كاملة زي 2007 بس طبعًا بتطور مش طبيعي في المسرح المصري و العربي زي مانتوا شايفين أكيد ده مش شكل مسرح طبيعي ، المسرح ده فكرتي و عملته عشان أطور بيه الصناعة مرة تانية من بعد ما أدخلت زمان الفاير وركس بشكل ضخم في كل أنحاء مصر و الوطن العربي مع العبقري أحمد عصام و كمان الشاشات العملاقة المتنوعة و الـ 3D mapping و طبعًا اشتراك المطرب نفسه في العروض مع الاستعراضيين بنفس كفاءتهم".

واستكمل تامر حسني، قائلًا: "النهاردة قدمت ديكور مسرحي بتكلفة يمكن تجاوزت 3 أضعاف تكلفة المسرح الطبيعي المعتاد علشان أقدمهلكم، و يكون نقلة نوعية جديدة بقدمها للمرة التانية في سنة 2026 على هيئة ديكور ضخم و متنوع كل المجهود و التعب اللي عدى في الشهر اللي فات عشانكم نسيته و تحول لفرحة مع أول سقفة منكم ليا فخور إني قدمت النهارده للصناعة عملاق جديد اسمه (أمير وحيد) اللي بنا المسرح ده كله هو و شباب زي الورد مهندسين و عمال و موظفين شكراً يا شباب شكراً من قلبي شكراً للأستاذ العبقري عماد نبيل و الساوند سيستم الخرافي مع المهندسين الكبار عمرو خيري و محمد مجدي و أحمد عبد القادر".