أحمد سعد عن جدل إطلالته الأخيرة : أنا مش متشبه بالنساء مفيش ستات عندها دقن
خرج المطرب أحمد سعد للرد مجددًا على جدل إطلالته الأخيرة، التي انتقدها العديد من رواد السوشيال ميديا خلال الأيام القليلة الماضية.
وأكد أحمد سعد أنه لا يتشبه بالنساء كما أشار البعض، حيث قال في تصريحات تلفزيونية : “ أهم حاجة مايكونش اللي بعمله حرام، ولا أعمل حاجة متعارضة مع الدين، وأنا مش متشبه بالنساء مفيش ستات عندها ذقن لغاية دلوقتي، ومنعرفش الموضة هتروح فين”.
وسبق ورد سعد على تلك الانتقادات من خلال لقائه مع برنامج عرب وود، حيث قال : "الناس ما بتحطش لايك لما بتشوف صورة حلوة ومهندمة، لكن أنا ما بلبسش كده مع أولادي لما بخرج، وبكون شخص مهندم".
وتابع أحمد سعد : "الناس بتحب الحاجات الغريبة، وده بقى جزء من شغلي، إن الناس تشوفني بعمل حاجات غريبة، لأني لما عملت حاجات طبيعية كتير، ما كانش ليا وجود أصلا في الحياة".
ومن ناحية أخرى، طرح الفنان أحمد سعد يوم الأربعاء الماضي ألبومه الفرفوش، والذي احتوى على أغاني ورد وأوبا وجوزها وخبر عاجل وكوتي.
وسبق وروج سعد للألبوم عبر حسابه الرسمي على إنستجرام قبل طرحه، حيث كتب : “يلا بينا على الضحك والهزار والفرفشة، يلا بينا على أغاني الصيف والرقص والشخصية اللي بحبها، يوم 3-6 هينزل الألبوم الفرفوش، جهزوا نفسكوا”.
