ياسمين عز: ليه الفرق في أسعار الحمير دي.. هو الغالي بفتحة سقف مثلا؟

قالت الإعلامية ياسمين عز: «في تراجع كبير لأسعار الحمير لدرجة أن سعر الحمار الواحد أصبح يبدأ من 1000 جنيه فقط، ويصل إلى 15000 جنيه. تخيل، أغلى حمار عندنا بـ15000 جنيه. السؤال: لماذا يوجد فرق في السعر؟ هل هناك "أوبشن" زيادة مثل السيارات، سقف مفتوح مثلًا؟».

وأضافت، خلال حلقة اليوم من برنامج كلام الناس، المذاع عبر شاشة إم بي سي مصر: «ليه سعر الحمار يرخص وسعر الكلب يغلى؟ ليه يوصل بينا الزمن إن الكلب يبقى أغلى من الحمار، مع إن الحمار بيستحمل وشايل وصبور وعمره ما اشتكى، ويشتغل ويركب عليه العيال السلاحف وياخدوه لفة في الغيط، ويسكت برضه. الموضوع أكبر من كده، لازم يبقى فيه تقدير، لازم نقدر الحوار أكتر من كده. مش كفاية إن أعداده قلت وبقى مليون من القهر؟ ياريت نقدره أكتر من كده، واللي عنده يراعيه ويهتم بيه، والمعنى في بطن الشاعر وأنتم فاهمين كل حاجة، مش محتاجة أفهمكم أكتر من كده، المعنى بتاعي وصل».

وفي سياق سابق، قالت الإعلامية ياسمين عز: «الجو النهارده تراب مخلوط بهواء، واليومين دول الجو متقلب وصعب جدًا، ودرجة الحرارة الصبح وصلت لـ40، وبالليل بتنزل لـ20. ممكن تلاقي رياح ورمال ومطر. فيه ظاهرة اسمها ظاهرة النينيو.. مش المنيو، لا إنتِ سمعتيها المنيو علشان إنتِ جعانة، لكن دي ظاهرة مهمة، والمنظمة العالمية للأرصاد الجوية بتحذر منها».

ظاهرة جوية مناخية نتأثر بها عالميًا في بعض السنوات

وكشفت الإعلامية منار غانم، عضو المركز الإعلامي بهيئة الأرصاد الجوية، عن هذه الظاهرة، خلال مداخلة هاتفية لها في برنامج «كلام الناس» المذاع عبر شاشة إم بي سي مصر، قائلة: «هي ظاهرة جوية مناخية بنتأثر بيها عالميًا في بعض السنوات، وبتستمر لمدة من 9 إلى 12 شهرًا، بتبدأ من شهر مايو، ومستمرة معانا خلال فترات الصيف والخريف والشتاء».