أنوشكا تكشف أصعب مهنة جربتها: «كرسي المذيعة مش سهل خالص»
تحدثت الفنانة أنوشكا عن مسيرة أعمالها الغنائية والفنية، قائلة: «أقر وأعترف وأبصم بالعشرة إن كرسي المذيعة مش سهل على الإطلاق، لو أنا النهاردة هستضيف حد أحب أشوفه بعنيا اللي بتحب كل حاجه حلوه مش أزنقه، مكنتش هبقى مبسوطة خالص وأنا زانقة زميل أو زميلة وأسأله اتجوزت ليه واتطلقت ليه وعملت اي وكل الكلام دا».
تجربة العمل كمذيعة
وأضافت خلال لقاء خاص مع جيهان عبد الله عبر «نجوم إف إم»: «من أكتر الحلقات اللي كنت سعيدة جدا هي مع أمينة لما غنت عبد المطلب في منتهى الشياكة والجمال، مي كساب كانت عملت ميكس ما بين شادية ووردة وفايزة كانت حاجة روعة، ومروة ناجي ومي فاورق، كنت أحب أشوف زملائي بالشكل دا».
حب الأغاني القديمة
وتابعت: «لقيت الشغلانة بتاعة المذيعة صعبة جدا لإنك تقعدي وتحضري وتدرسي هتقولي اي ومش هتقولي اي وكنا بنصور حلقتين في نفس اليوم، لا لا صعبة بس ممتعة».
واختتمت الفنانة أنوشكا: «بحب الأغاني القديمة عبد الحليم حافظ أو نجاة أو فريد الأطرش، ليلى مراد، مكنتش بفهمها الأول لكن لما الواحد بيكبر وينضج ويبقى عنده انتقاء للكلمات والألحان وأعرف اي المنطقة الحلوة اللي في صوتي».
وقد كشفت الفنانة أنوشكا عن كواليس مشاركتها في مسلسل «توابع» الذي يعرض على قنوات المتحدة، قائلة: «كل مرة بحاول أجدد والسنة دي مع ريهام حجاج، وفكرة المسلسل شدتني للغاية، أنا أرفع القبعة لريهام حجاج إنها اختارت الموضوع دا هو صعب ومختلف وفيه مجموعة مشاعر».
كواليس مسلسل توابع
وأضافت، خلال مداخلة هاتفية مع الإعلامية لبنى عسل ببرنامج «الحياة اليوم»، المذاع على قناة «الحياة»: «المسلسل فيه مشاعر وأفكار حديثة، فيه مجهود جبار وأحداث كل حلقة هتشد انتباه المشاهد».
وتابعت: «مبسوطة جدا إني بشتغل مع أسماء أبو اليزيد الجميلة، وريهام ومحمد علاء، هتشوفو حاجة هتبسطم جدا، وفيه أسرار ومغامرات».
