عمرو الدجوي: اعترافات المتهمين وفيديوهات الشرطة تكشف خيوط القضية
تحدث عمرو الدجوي عن عدم الإشارة بشكل كامل إلى بعض النقاط التي طُرحت خلال مداخلة لمحامي الخصوم في القضية ، مؤكدًا أن ما حدث كان عن غير قصد.
وقال الدجوي في منشور له على صفحته الرسمية بموقع :" الفيس بوك":"المتر سأل و قال " أجيب حرامي خزن ليه ما أنا معايا المفاتيح " و طبعا هو هنا بيتكلم عن اللصوص اللي اتفقوا مع حرامي الخزن علي تغيير المفاتيح حسب شهادة حرامي الخزن (المسجل خطر) في تحقيقات النيابة و تحريات المباحث.
وأضاف:" وده بصراحه تساؤل محترم بس عشان هو متر محترم، ميعرفش اللصوص اللي من النوع ده بتفكر إزاي، فأنا بقي هقولك عشان انا معاشرهم و أعرفهم أكثر منك، اللصوص دي لو فتحت الخزن بنفس المفاتيح وقت تمثيلية فتح الخزن، هيبقي المتهم بالسرقه هو كل واحد معاه نسخة مفاتيح، و لانهم معاهم المفاتيح، فطبيعي يكونوا من المتهمين بالسرقه".
تابع :" طيب هما عملوا ايه، جابوا الواد المسجل خطر حرامي الخزن، و اتفقوا معاه علي سرقة الخزن في بيت الزمالك سنة ٢٠٢٢ و بيت أكتوبر بعدها بفتره و بعد ما نفذوا العمليه بنجاح، غيروا المفاتيح بتاعت الخزن، لييييه بقي يا متر ؟ عشان لما ييجي البوليس و يسأل مين معاه مفتاح الخزن، يكون ردهم والله ما إحنا، ده حتي المفاتيح اللي معانا مش بتفتحها أصلا، و يلبسوها الأخوات المحترمين، شوفت القذاره، لصوص بالوراثه بعيد عنك".
وأوضح :" لكي يطمأن قلبك، التحقيقات فيها تحويلات ماليه ب ٧٨٠ الف جنيه، دي كانت صدقه جاريه لمسجل خطر يا متر، الشرطه جابت فيديوهات للحرامية وهما بينقلوا المسروقات في أكتوبر، و فيديوهات ليهم في بيت الزمالك، شنط طالعه و شنط نازله، و حرامي الخزن معاهم، أيه بقي طيب ،حرامي الخزن إعترف، و طلع اذكي منهم و وثق الاتفاقات عشان لو وقع ميقعش لوحده،عاوز ايه اكثر من كده عشان تعرف الحرامي".
