مايان السيد: بخاف من أني أكون وحيدة.. وتصالحت مع الموت |فيديو
فتحت الفنانة مايان السيد قلبها وكشفت أسرارًا عن حياتها الشخصية خلال لقائها مع أنس بوخش، في برنامج ABtalks.
وقالت مايان السيد، إنها كانت تخشى الموت، موضحة: “كنت بخاف من فكرة الموت وبعدين تصالحت معاها، حسيت إن جسمي جزء من الطبيعة، لأن لما الروح بتطلع بتروح لربنا، والجسم بيروحللأرض اللي اتخلقت منها .. فيه أمان أكثر من كده”.
وأشارت إلى أنها تخاف من الوحدة لأنها ليست قوية في تكوين الصداقات:"بخاف من أني أكون وحيدة، لأني بحس دايما أني مبعرفش أعمل صحاب، ومش متشافة صح ومش مفهومة، وبخاف أحس بالوحدة وأنا مع الناس... نفسي يكون عندي ناس شبهي في حياتي".
وعن حبها للتمثيل قالت:"موضوع التمثيل عندي من وأنا صغيرة، كنت بمثل قدام قرايبي وكانوا بيطلعوني أرقص على الترابيزة في الأفراح، هو كان الهروب بالنسبة لي، وفي نفس الوقت كان الطريقة اللي هتخلي الناس تركز معايا، فمن هنا قررت أبقى ممثلة، وبابا كان أكبر داعم ليا".
تحدثت عن علاقتها بوالدها وقالت إنها رغم أن عمرها 28 سنة، إلا أنها لم تشعر بالأمان تجاه والدها، ولم تشعر تجاهه بالحنية لأن شخصيته قوية، مضيفة:"بابا كان عنيف جدًا في تربيته لينا، لأنه اتعلم في بيته إن التربية كده، وكنت بخاف منه وشايفاه وحش جدًا، وماكنتش حتى ببص في عينه، لغايت أما سامحته بسبب الدكتور نفسي بعد سنين طويلة".
