بعد وفاة سهام جلال.. وائل عبدالعزيز: "ساعدوا الناس بلاش قرف"
خرج الفنان وائل عبدالعزيز عن صمته ليعلق على وفاة الفنانة سهام جلال، خاصة بعد انتشار تصريحات سابقة لها عن طلبها فرص للعمل في المجال الفني ولم يلبي أحد نداءه، وذلك من خلال منشور عبر حسابه الرسمي على موقع التواصل الإجتماعي فيسبوك.
حيث قال وائل عبدالعزيز: “ساعدوا الناس، ساعدوا اللي ليهم تاريخ وخبرات ساعدوا الناس بقي بلاش قرف، ساعدوا الناس انتوا مش واخدين حاجة معاكم لرب كريم هتسال فوق مساعدتش ليه وانت في ايدك مساعدة الغير بإشارة منك، استحوا من رب اسمه العدل هتقف قدامه هتقوله ايه وأنت لا حول ولا قوة، واعرف ان ربنا باعته ليك يخلص من اللي عليك في الدنيا، الناس تعبت من كتر الشكوي وبتموت، لا اله الا الله شيء يحزن والناس في توهه”.
جنازة سهام جلال
شُيع منذ قليل جثمان الفنانة الراحلة سهام جلال من مسجد حسن الشربتلي، ولكن اللافت في الأمر هو عدم حضور كبار الفنانين التي تعاونوا معها في العديد من الأعمال سواء التليفزيونية أو السينمائية، وكان من أبرز الحضور الفنان فادي خفاجة، الفنان أحمد منير، الفنان بسام رجب.
عايدة غنيم تفجر مفاجأة عن سهام جلال
وقد خرجت الفنانة عايدة غنيم منهارة حزنًا على وفاة صديقتها المقربة الفنانة سهام جلال، وذلك من خلال مقطع فيديو عبر حسابها الرسمي على موقع تيك توك، لتكشف بهذا الفيديو عن أزمات في حياة سهام جلال قبل وفاتها.
حيث قالت عايدة غنيم موضحة: “سهام ماتت وسابتهالكم، يارب ترتاحوا أو ارتاحوا بشع وطمع وتقطيع في بعض، أقسم بالله لغاية لما روحت المستشفى أنا مكنتش مصدقة، كان نفسي تطلع إشاعة، فجأة مشوفتش قدامي غير الناس اللي بتقطع في بعض وبتاكل في بعض وبتتكلم في ضهر بعض، كل ده عشان الفلوس وشان حاجات مالهاش أي لازمة، نسينا ان الدنيا دي مالهاش أمان، وأن البني أدم ممكن في لحظة ينام وميصحاش تاني، أنا مش قادرة أستوعب، بس بقولكم اطمنوا لكل واحدة اتكلمت في ضهرها، وعايزة أقولكم حاجة هي لآخر لحظة كنتوا أنتوا أخصامها عند الله، وقايلالي بالاسم، أنا بس قولت أقولكم يارب ضميركم يكون مستريح، وتقدروا تناموا على المخدة كده وأنتوا كنتوا ظلمينها أو افتريتوا عليها للأسف أنا مش قادرة أقول أساميكم لأنكم أنتوا صحابي”.
