"عددنا قليل ".. رامي جمال : مصر متنفعش تبقى 10 مطربين رجالة وستات فقط

حرص المطرب رامي جمال على توضيح حقيقة قلة عدد المطربين في مصر مقارنة بعدد الملحنين والموزعين ، مشيراً إلى أن مصر لابد أن يتوافر بها العديد والكثير من الأصوات الرجالية والنسائية .

رامي جمال

وكتب رامي جمال عبر صفحته الشخصية على موقع التواصل الاجتماعي فيس بوك : حبايبي الصناع الغاليين أنا بحكم إني منكم احنا الزمن غير الزمن ومبقاش فيه شركات إنتاج وفعلا عددنا كمطربين قليل أنا من الناس اللي دايما بحاول يبقى معايا ناس جديدة وناس من زمايلي وجيلي بس أنا عندي رآي مهم مصر ما ينفعش تبقى ١٠ مطربين رجالة وستات بس. 

وأضاف : الزمن بتاع الديجيتال ده فرصتكم فإنكم تعملو مشاريع فإنكم تجيبو أصوات نسائية جديدة وأصوات رجالي جديدة ولو في زملاء من أي جيل مبقاش في حد بينتجله تقدرو تعملو معاه اتفاق إن كل واحد فيكم ياخد نسبة من المشروع مقابل أجره والله ده المستقبل لأن في الأخر ده أبقى ليكم .

وتابع : مصر محتاجة أصوات نسائية ضروري وطبعاً رجالي يعني سخرو موهبتكم لمساعدة بعض وخدمة نفسكم وخدمة مصر اللي ما ينفعش يبقى فيها عدد عظيم من الصناع قدام عدد محدود من المطربين وربنا يفتح أبواب الرزق من وسع للكل وأنا شخصياً آسف لكل موهوب زعل مني في يوم إن مكنش فيه بينا تعاون وندمو اللي ما آمنش بموهبتكم بشكل عملي .