بعد أزمة الـATM.. سيد علي: لازم حالة طوارئ ومفيش حاجة اسمها البلد تقفل

علق الإعلامي سيد على على انتهاء إجازة العيد، قائلا إن المشكلة في مصر تكمن في الإجازات، إذ أنه يشعر أحيانا أن البلد خارج الخدمة في الإجازات، معلقا: «طبعا المشكلة اللي حصلت بتاعة ماكينات الصرف الآلي والتصريحات المستفزة اللي طلعت تتقال للناس يتناقض تماما مع فكرة البنك الرقمي والشمول المالي». 

انفصال بين الواقع وما يحدث

وأضاف، خلال تقديم برنامج «حضرة المواطن»، المذاع على قناة الحدث اليوم: «هناك انفصال بين الواقع وما يحدث، المسألة دي الوحيد اللي حاطط عينه عليها هو الرئيس عبد الفتاح السيسي، في جاجات كتيرة جدا هو بيراهن على الناس إنما في ناس كتيرة جدا من قيادات هذا البلد بيقولو كلام حلو لكن الواقع اي؟». 

أزمة ماكينات الصرف

وتابع: «ما حدث في ماكينات الصرف إنه تصادف نزول المرتبات مع العيد مع الإجازات مع المعاشات، لازم يكون في حالة طوارئ في الدولة ويكون جزء شغال يعني مفيش مانع إن يكون في وردية مسائي ومكاتب البريد تفتح بالليل، مفيش مانع عربيات التغذية بتاعة المكن تبقى موجودة».

دعوة إلى حالة طوارئ في الإجازات

وواصل: «في حتت لازم متاخدش إجازات بمعنى أن الدكاترة والصيدليات والمخابز والأمن أكتر أيام بيشتغلوا فيها أيام إجازة العيد، اللي حدث في كوبري 6 أكتوير كان فرصة إنه يتعمل في الإجازة، أنا آسف إني بقول كده بس عندنا أشقاءنا المسيحيين اشتغلوا في الفترة دي إنما تخيل جالك وجع سنانك، أحيانا بشعر في الإجازة إن البلد مرفوعة مؤقتا من الخدمة».