بعد أزمة نادر نور.. رامي صبري: "عدم الرد على الملحنين هو عدم التجديد"
خرج المطرب رامي صبري عن صمته ليعلق على أزمة بعض الملحنين وآخرهم نادر نور من عدم الرد عليهم، وذلك من خلال منشور عبر خاصية الأستوري بحسابه الرسمي على موقع تبادل الصور والفيديوهات إنستجرام.
وقال رامي صبري معلقًا: “عدم الرد على ملحنين ومؤلفين أو مبدعين بشكل عام هو عدم التجديد، وأن مافيش أفكار مختلفة”.
عزوف نادر نور عن نشاطه الفني
وقد أعلن المطرب والملحن نادر نور عزوفه عن النشاط الفني في التأليف، مشيرًا إلى أنه يحاول أن يعود منذ 3 سنوات لكنه لم يجد فرصة رغم مشواره.
وكتب نادر نور عبر حسابه بموقع فيسبوك: “بعتذر لكل الناس اللي بتبعتلي كلمات أغاني من فضلكم متبعتوش تاني.. معنديش مشاريع شغال عليها ولا نجوم بتسمع مني أغاني ولا عندي حاجة أقدر اساعدك بيها لأني ببساطة محتاج اللي يساعدني”.
وأضاف: "وللناس اللي بتتهمني بالكسل والتقصير أنا فعلا بعدت فترة لأسباب شخصية وبحاول ارجع من ٣ سنين ومش عارف.. مسيبتش باب مخبطتش عليه.. فقدت التواصل مع الأغلبية العظمى داخل الوسط الغنائي منهم نجوم اشتغلت ونجحت معاهم ومنهم اللي بحاول اشتغل معاه للمرة الأولى ومنهم اللي عشرة عمر ومشوارنا بدأناه مع بعض وأحلام حلمناها ونجاحات حققناها سوا واللي بيرد على التليفون مرة مبيردش تاني وبقيت احس بالرفض وعدم التقبل وأنا مش متعود ازن على حد أو اطلب الحاجة أكتر من مرة بشكل يقلل مني ومن احترامي لنفسي بعد كل اللي قدمته حتى لو كان قليل فهو كبير من وجهة نظري".
واختتم نادر نور حديثه وكتب:"اخيرًا معنديش مشاكل مع حد ولا بكتب الكلام ده لكسب تعاطف حد وكل الاحترام والتوفيق لزملائي انا مش زعلان من حد.. وآسف على الإطالة".
أعمال نادر نور
تعاون نادر نور مع كبار المطربين، وكان أول لحن قدمه في أغنية “ولا يستاهل” للفنان خالد سليم، وتعاون بعدها كملحن مع فضل شاكر في أغنية "لو على قلبي"، وأغنية “مقدرش أنساك” للفنان محمد حماقي، أغنية “خليني جنبك” مع الفنان عمرو دياب، وأغنية "يا سلام عليك"، لعامر منيب
