سالي شاهين: الراجل عايز الست رادار تفهمه وقت ما هو عايز

قدمت الإعلامية سالي شاهين تحليل مثير لسيكولوجية الرجل وما يحتاجه من المرأة في العلاقة العاطفية والزوجية، وقالت: «الرجل دائما عايز من المرأة تكون رادار».

الرجل لا يميل بطبعة لكثرة الشرح أو الحديث

وأوضحت، خلال حلقة اليوم من برنامج «ست الستات» المذاع عبر شاشة دي ام سي، أن الرجل لا يميل بطبعه إلى كثرة الحديث أو شرح ما في خاطره، لذا فهو يفضل المرأة التي تمتلك حساسات قوية تجعلها تشعر باحتياجاته بشكل تلقائي. 

وأضافت: «هو عايز الست اللي تحس لوحدها إنه النهاردة عايز يأكل مسقعة من غير ما يسألها، وتحس إنه محتاج ينزل يقعد مع صحابه فتسيبه من غير خناق».

رادار يشمل الحالة النفسية للرجل في كل الأوقات

وتابعت أن الرادار المطلوب يشمل أيضا الحالة النفسية للرجل، فهو يحتاج لمن تشعر برغبته في الصمت أو حاجته للاهتمام دون أن يضطر لطلب ذلك، مشيرة إلى أن غياب هذا التفاهم الحدسي هو ما يدفع الكثير من الرجال للهروب إلى الأصدقاء أو الانعزال أمام شاشات التلفزيون لمشاهدة المباريات، بحثا عن الهدوء والتركيز بعيدا عن ملاحقة الأسئلة.

عمري ما فهمت الرجالة أو مكانش عندي وقت أفهمهم أصلا

وفي سياق الحلقة، قالت الإعلامية القديرة سناء منصور، خلال حلقة اليوم من برنامج «ست الستات» المذاع عبر شاشة دي ام سي: «أنا أول ما عرفت إن حلقة النهاردة عن الرجالة عايزة إيه الحقيقة معرفتش هقول إيه لأني عمري ما فهمتهم.. أو يمكن مكانش عندي الوقت إني أفهمهم لأني كنت مشغولة بحاجات أخرى».

الأكبر والأكثر خبرة تقف مكتوفة الأيد أمام عقلية الرجل

وأضافت، خلال الحلقة: «يعني أنا أكبر وأكثر خبرة منكم بس أنا عادة باخد الحالة اللي قدامي زي ما هي ومش بنخرب فيها علشان أعرف».

خبرة زيرو 

وتابعت سناء منصور: «أنا محاولتش أعرف واللي يخلص يخلص معندناش مشكلة يعني الموضوع عادي بالنسبالي وأنا عمري ما قررت أفهم اللي قدامي مش استسهال بس مكنتش فاضية لأني من وأنا عندي 16 سنة اشتغلت صحفية في الأهرام.. وأنا خبرتي في الموضوع ده زيرو».