انتصار: الشارع مبسوط علشان أنا شبهم وبقدم الأدوار بطبيعية

سأل الإعلامي تامر عبدالمنعم، النجمة انتصار عن أسلوب تقديمها لأعمالها الفنية، قائلا: «إيه الأدوار اللي بتقدميها دي أنت بيلبسك عفريت؟ جن ده؟»، مشيرا إلى مدى تقمصها الشخصية، وقدرتها على إقناع الجمهور بها».

وأجابت انتصار، خلال استضافتها عبر شاشة الشمس: «لا ده سحر..  الحققة إن أنا بدي للدور حقه وبهتم بيه لأن هو ده التمثيل مش إني أطلع حلوة على الشاشة لازم أخدم الشخصية والشارع مبسوط بده علشان واحدة منهم وبقدم الشخصية بشكل مقنع جدا».

جودة لدور

وأردفت انتصار:« الناس حاليا بتعلق على جودة الدور مش على أي حاجة لأني بقيت مقنعة وشبهم.. أنا لما بتجيلي شخصية بشوف شكلها إيه في الشارع وتطبق على الواقع وهو ده الصح أصلا.. اللي ماشية في الشارع دي واحدة بسيطة معندهاش وقت تحط مكياج مش رايقة وطبيعية».

وواصلت انتصار: «المخرجين وهما بيختاروني بيكونوا معتمدين عليا.. اللي بيجيبني بيبقى عارف كويس أنا هعمل إيه هو فعلا المخرج بيجيبني أحققله أحلامة.. وبيتقالي أنا بحمل عليكي علشان أنت كويسة».

وفي وقت سابق، كشفت الفنانة انتصار عن تفاصيل رحلتها الفنية والدراسية، مؤكدة أن دخولها عالم التمثيل جاء نتيجة الجرأة والإصرار، وليس عبر الوساطة أو العلاقات، وذلك خلال استضافتها في برنامج معكم منى الشاذلي المذاع على شاشة ON.

وقالت انتصار إنها جاءت من الإسكندرية إلى القاهرة في سن صغيرة وهي مؤمنة بموهبتها وقدرتها على النجاح، موضحة أنها لم تنتظر الفرص بل صنعتها بنفسها، قائلة: «دخلت مجال التمثيل من غير ولا واسطة.. روحت خبطت على باب مكتب يوسف شاهين وقولتلهم عندكم أدوار؟».

وأكدت أنها كانت تتحرك بثقة ووعي كاملين أثناء بداياتها الفنية، خاصة مع انتقالها بمفردها من الإسكندرية إلى القاهرة، مضيفة: «أنا واعية وناصحة ومصحصة»، مشيرة إلى أنها لم تسمح لأحد باستغلالها أو خداعها.

وخلال اللقاء، استعرضت الفنانة انتصار رحلتها الجامعية الطويلة بكلية التجارة، والتي استمرت 11 عاما بسبب انشغالها بالتمثيل والزواج والإنجاب، قائلة: «من أولى جامعة بدأت أمثل فسقطت، وبعدها دخلت تانية وعدتها، وفي تالته حبيت واتجوزت وخلفت، وسنة رابعة قعدت فيها 5 سنين لحد ما اتخرجت».