سامي مغاوري: اتجوزت مصرية ومغربية والست المصرية حمولة

قال الفنان سامي مغاوري: «أنا اتجوزت المصرية والمغربية والفرق بينهم إن المصرية حمولة لأقصى درجة والمغربية مكافحة وبتشيل عيالها في عينها وفي النهاية الجواز زي البطيخة وأنت وحظك»، وذلك خلال استضافته في برنامج «البصمة» مع الإعلامي محمد الغيطي، المذاع عبر شاشة الشمس.

ومن جانبه أضاف محمد الغيطي: «أنا شوفتك من فترة قريبة في مكان مع مراتك المغربية وهي بتهتم بقميصك وشعرك ولو حد قرب منك هتأكله وقولت همسك الخشب علشان متتحسدش».

وفي سياق أخر، كشف الفنان سامي مغاوري عن كواليس أعماله القادمة، لافتا إلى أنه بحضر حاليا لمسرحية «شارع شريف شقة 2»، لافتا إلى أن هذه المسرحية إما سيتم عرضها في مصر أو في موسم الرياض.

مصطفى غريب الحصان الأسود للكوميديا حاليا

وأشاد الفننان سامي مغاوري بالفنان مصطفى غريب، قائلا: «مصطفى غريب ده أيقونة الضحك في مصر والحصان الأسود للكوميديا حاليا».

أفضل العمل مع كريم عبدالعزيز

وفي سياق حديثه، أكد أنه يفضل العمل مع كريم عبدالعزيز عن أحمد السقا وأحمد عز، مؤكدا أنه يقدرهم جميعهم، لكنه يفضل كريم عبدالعزيز، لأنه قد سبق وتعاون معه في عدة أعمال ومسرحيات من قبل.

وأضاف: «إحنا في بيننا كيميا كبيرة جدا وتعاوننا مع بعض في أكتر من عمل وأنا بحبه جدا ولسا مخلص فيلم معاه أصلا».

وعن النجمات، فضل مغاوري العمل مع النجمة ياسمين عبدالعزيز، مبررا هذا أن المرحلة الحالية تعد مرحلة الكوميديا والتي تتمتع بها ياسمين عبدالعزيز بشكل كبير للغاية.

وفي سياق الحلقة، استرجع سامي مغاوري ذكرياته مع السيندريلا سعاد حسني، قائلا: «في مرة مخرج رشحني لعمل معاها وكام معاها عادل إمام ويحيى الفخراني.. وسعاد حسني قالت مين ده مش هشتغل معاه مش معروف وفضلت أول يوم تصوير بتبصلي بطرف عينها.. والمخرج صمم على رأيه وقالها أنا المخرج وأنا اللي اختار وبعد أول يوم تصوير قالتلي أنا أسفة أنت هتكون فنان ليك مستقبل وأنت شاطر جدا».

وتابع: «أنا في الفليم ده طلبوا مني بدل للتصوير، فصلت كذا بدلة واشتريت كمان.. واستلفت مبلغ علشان اعمل كدا، واشتريت بدلة بـ45 جنية من أهم راجل بيبع بدل في وسط البلد.. وفصلت بدلتين بـ24 جنية وأجلاي وقتها كان 300 جنية تمن البدل».