عزيز الشافعي: اختيار الأغنية مش مهمة الصانع ليه بتهاجموني لوحدي؟
رد الملحن عزيز الشافعي على انتقاد من قبل أحد متابعيه، على أغنية بحرية لـ شيرين وحماقي التي طُرحت مؤخرًا.
وكتب المتابع لـ عزيز الشافعي عبر إنستجرام: متكابرش الأغنية مش لايقة على الاثنين لو لـ روبي وأحمد سعد كان ممكن تتبلع، لكن شيرين وحماقي مش لايقين.
ورد عزيز الشافعي مستنكرًا: ابعت رأيك لشيرين وحماقي واسألهم عن اختيارهم، لأن اختيار الأغنية مش مهمة الصانع، لكنه قرار مشترك بين المنتج والمطرب والصانع، فحتى لو فرضنا إنها أوحش أغنية في العالم.. ليه أنا اللي بتهاجم لوحدي؟
للأسف ساعات الهجوم الممنهج ده بيجذب ناس وراه
وفي تعليق آخر كتب عزيز الشافعي:"طبيعي ناس تحب أي أغنية أو تكرهها لكن مش الطبيعي أبدأ التطاول والإهانة والشتيمة لمجرد أن غنوة معجبتكش، يمكن تعجب غيرك.. الأذية دي مؤلمة والهجوم على شخص بعينه في كل أغنية بينزلها هو هجوم ممنهج وواضح. وأتكرر كتير ومالوش علاقه خالص برأي الجمهور .. من امتى لما مبتحبش غنوة بتهاجم الصانع؟ لكن للأسف ساعات الهجوم الممنهج ده بيجذب ناس. وراه".
