خالد يوسف يكشف لأول مرة: «قالولي هنخلي اسمك مرتبط بالنسوان»
كشف المخرج الكبير خالد يوسف تفاصيل أزمته الشهيرة وحملة اغتياله معنويا، قائلا: «تأثرت عائلتي وتأثرت سمعتي وبقى السف كتير جدا، كان في حملة ممنهجة أديرت عليا من أجل إزالة تأثيري تماما، مش انت راجل عامل فيها مناضل وبتقولي معرفش اي، طب هنخلي اسمك مرتبط بالنسوان».
ارتباط اسمه بالنسوان
وأضاف، خلال استضافته في برنامج «الحكاية من أولها»، المذاع على قناة «الحدث اليوم»: «لما تيجي تطلع بقى هيقولولك اسكت بقى يا بتاع الستات، الحكاية دي حصلت وأنا تأثرت بيها جدا ولكن لإني مضايقتش ومتأثرتش ومتكسرش ضهري لسبب واحد إن أنا اللي اختارت أكمل في هذا الموقف».
حملة تهديد خالد يوسف
وتابع: «هددت وقالولي هيتعمل فيك وهيتبطط بيك الأرض، وأنا قولت فلتكن مشيئة الله، ومش هتراجع ومش ولا موقف من المواقف اللي أنا خدتها سواء في البرلمان ولا برا البرلمان هتراجع فيها، فعملوا كل اللي عملوه دا»
وأكد: «أنا سافرت لإني مقدرتش أستحمل الجو الرهيب اللي حطوني فيه، مش عشان أنا عامل جريمة ولا عامل قضية، بس أنا أوريدي كنت مسافر، ابتعدت ومكنتش عايز أرجع بجد».
كلام إيجابي من أجهزة الدولة
واختتم: «انتو بتبططوا بعائلات وسمعات عشان مواقف سياسية؟ ما تواجهوه وألا حتى احبسوه ليه تدخلوه في مواقف زي دي؟، معلقا: «خدت كلام إيجابي من أجهزة الدولة ورسائل طمأنة، إلى حد ما ردولي كرامتي، بس آثار الحملة مازالت موجودة في حوار السف اللي مستمر».
