نادر أبو الليف يثير الجدل: "قليل الأصل لا عليه عتاب ولا لوم"
أثار المطرب نادر أبو الليف الجدل مؤخرًا بعد منشورغامض يتحدث عن قلة الأصل، وذلك من خلال منشور عبر حسابه الرسمي على موقع التواصل الإجتماعي فيسبوك.
حيث قال نادر أبو الليف: “قالوها زمان صاحب المصلحة ما يدوم والميت ما يقوم وقليل الأصل لا عليه عتب ولا لوم، ده مثل واضح وصريح لقولالات الأصل اللي عايشين معانا في حياتنا للأسف ولابسين قناع الصداقة والطيبة والمحبة، وبيقولك الدنيا مصالح والنفوس بتتصالح، إبعتوها يمكن يفوقوا ويصحوا ويتقوا ربنا”.
نادر أبو الليف يشتكي من شقيقه
في سياق آخر، قد شكا الفنان نادر أبو الليف من شقيقه، بسبب خلاف بينهما على الورث، مشيرًا إلى أن القضايا بينهما منذ عشر سنوات ولم يستطع أن يحصل على حقه.
وكتب نادر أبو الليف عبر حسابه بموقع التواصل الإجتماعي فيسبوك:"السلام عليكم.. عايز أعرف ليه الناس ضمايرها ونفوسها وأخلاقها وتربيتها اتغيرت من جواها.. كل واحد بقي يهمه نفسه فقط لا غير ومش مهم أي حد علي وجه الأرض.. كله بيقول يا نفسي.. حتى للأسف الشديد أخوك ابن أمك وأبوك اللي نازل أنت وهوه من رحم واحد ومتربيين في بيت واحد عاوز ياكلك ويدوس عليك وياكل ورثك ليه خلاص مبقاش في ضمير ونخوة ورجولة ودين ومبادئ وأخلاق ومراعاة للدم اللي بينك وبينه".
إنت ظالم ومفتري وحقودي
وأضاف نادر أبو الليف:"يا ناس قسما بالله الكفن مالهوش جيوب وهتنزل التربة مش معاك غير عملك مش هتاخد حاجة معاك فكر كدا لما تقابل رب كريم هتقوله إيه هتقوله إنك كنت عايز تقتل أخوك علشان تورثه ولا هتقوله كنت عايز تاخد ورثه علشان إنت ظالم ومفتري وحقودي وجواك حقد وغل وكره لأخوك وللكون كله".
بقالي أكتر من عشر سنين دايخ في المحاكم
وأكمل: "هو حصل إيه في الدنيا يا ناس نفسي أعرف وللأسف معاه محامي حسبي الله ونعم الوكيل فيه كل لما نرفع قضية يروح رايح المحكمة ويحفظها بطرق وبأساليب ملتويا بقالي أكتر من عشر سنين دايخين في المحاكم علشان نبيع شقة ورث وكل واحد ياخد ناصيبه بمي يرضي الله وللأسف المحاكم والقضايا إللي زي دي بتاخد سنين طويلة".
وأردف:"نفسي يفوق ويحس ويعرف إننا إخوات وعمر الدم مايبقي مياه لكن هو للأسف الشديد ولا بيفكر ولا يهمه ولا شايف ولا سامع غير نفسه ومصلحته..ولو اتخذت أي شيء معاه للأسف الإعلام والصحافة مش هيسبوني وهبقي محتوى للخوض فيا ومتكتف ومش عارف أتصرف وأعمل إيه".
