إيناس عز الدين: "بأكل الكلاب من حر مالي ومستعدة للمسألة القانونية"
خرجت المطربة إيناس عز الدين عن صمتها لتكشف عن إطعامها للكلاب الضالة واهتمامها بهم، وذلك من خلال مقطع فيديو عبر حسابها الرسمي على موقع التواصل الإجتماعي فيسبوك.
إيناس عز الدين تستعد للمسألة القانونية بسبب إطعامها للكلاب الضالة
حيث قالت إيناس عز الدين في هذا الفيديو: "أنا باكل الكلاب كل يوم في منطقتي أنا وجيراني المحترمين، أجمل حاجة حصلتلي هي جهود جيراني الذاتية في البيت الجديد لحماية الكلاب، حاسة براحة، لا بجمع تبرعات ولا عندي حساب جمع فلوس ولا شرب كله من فلوسي وحر مالي وعايزة حد يجي يقولي أنتي بتعملي كده من فلوسك ليه، عايزة أي حد يسألني قانونيًا أنا بأكل روح ليه، أنا عمري ما الاقي روح جعانة وأسيبها جعانة، اللي بيحس بالروح الخرسة هيحس بالبني أدم، عايزة حد يصورني ويقولي سبوبة عشان أجيبه من قفا أهله كده على الكلمة دي، أنا بطعمهم من حر مالي، حساباتي مفتوحة للدولة، وتليفوناتي موجودة ومستعدة للمسألة القانونية".
إيناس عز الدين تنقي حساباتها الشخصية
في سياق آخر، قد أعلنت المطربة إيناس عز الدين أنها تنقي حسابها الشخصي من الأشخاص القساة أو ما يعرفوا بأنهم “سايكو” ومتطرفين، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
حيث قالت إيناس عز الدين: “بقالي فترة بنقي حسابي من كل متطرفي الدين و الفكر و الاخلاق و المشاعر، الصفحة الفنية كده كده اسمها للفن و طبيعي يبقى عليها متابعين كتير ما اعرفهمش و كده كده برضوا أنا مش بيظهرلي حساباتهم ولا بوستاتهم و لا افكارهم وانا كمان مش بنشر عليها إلا ما يخص شغلي و فني و حفلاتي إنما حسابي الشخصي طبيعي اصدقائي عليه سواء اعرفهم بشكل شخصي أو على السوشيال ميديا بس في النهاية مضطرة اشوف افكارهم و عقلياتهم و تتصدرلي طاقتهم و أنا بنقي حياتي من كل أنواع التطرف و الجفاف و الحِدة و بحاول احاوط نفسي بالناس اللطيفة السوية المعتدلة و اللي عندها مشاعر و رحمة و ذوق و بتحترم اختلاف البشر و اللي جواهم نضيف و الاهم من كده بحذف من حسابي كل من يتعامل مع مخلوقات الله بطريقة انهم جماد مش ارواح و اي حد عنده جانب سايكو او سادي او دموي و بتجنب التعامل مع قساة القلوب لأنهم لا يؤتمنوا وما احبش يكونوا في حياتي ولا جزء منها ولا حتى على السوشيال ميديا لاني بدور على سلامي النفسي و الذهني، تجنبوا الزومبي و دوروا على البني ادمين اللي جواهم لسه طيب و ضموا على بعض قبل ما ننقرض”.
