أحمد حلمي ومنى زكي ونيللي كريم.. زخم فني في العرض الخاص لفيلم 7 Dogs |صور
شهدت ريد كاربت العرض الخاص لفيلم 7 Dogs، حضور زخم لنجوم الفن والإعلام، المقام حاليًا بإحدى سينمات القاهرة الكبرى.
وحرص على الحضور كلًا من جيسون ستاثام، مارتن لورانس، عمرو دياب، أحمد حلمي وزوجته منى زكي، يوسف الشريف، يسرا، إلهام شاهين، هالة صدقي، تارا عماد، هنا الزاهد، ماجد الكدواني، رامي إمام، دينا الشربيني، ويزو، حمدي الميرغني وزوجته إسراء عبدالفتاح..
كما حضر أيضًا الفنان هاني رمزي، مصطفى شعبان، شيكو، مي عمر وزوجها المخرج محمد سامي، صابرين، ميرنا جميل، جاسيكا حسام الدين، حسن أبو الروس، إيهاب توفيق، أنغام، والإعلامية بوسي شلبي، عمرو أديب.
وكان قد كشف النجم كريم عبدالعزيز خلال المؤتمر الصحفي لفيلم 7Dogs، سر تكرار التعاون الفني مع النجم أحمد عز.
وقال كريم عبدالعزيز : "الفن مافيهوش إننا نعلي على بعض، وأول فيلم عملته كان اضحك الصورة تطلع حلوة مع الراحل العظيم أحمد زكي، واتعلمت منه إن لو في ممثل كويس وممثل وحش الإتنين مش هيشتغلوا مع بعض، وميزة السينما إنها عمل جماعي، ولو في إتنين عاليين ده في صالح العمل".
وواصل كريم : "أنا وعز دي تالت تجربة لينا سوا، بعد أما عملنا إعلان وبعدها كيرة والجن ودلوقتي 7Dogs، وبيننا تفاهم وكيمياء وشخصياتنا قريبة من بعض، وخليفتنا السينمائية واحترامنا للشغلانة واحد، وده أول واحد بيستفيد منه هو المخرج".
وفي سياق متصل، كشف الفنان أحمد عز، عن سبب ابتعاده عن منصات التواصل الاجتماعي، وعن رأيه فيما يتم تداوله رواد السوشيال ميديا.
وقال أحمد عز، في تصريحات خاصة لـ "نيوز رووم": "أنا عايز أعمل شريط سينما يعيش لي طول العمر، حتى لو هدفع من جيبي لأن هو ده اللي بيبقى لي، إنما أنا مش محتاج أثبت حاجة على السوشيال ميديا خالص".
وتابع أحمد عز، قائلًا: "مش محتاج أقول لحد أنا بعمل إيه أو بأكل إيه أو كويس ولا وحش أو أنا بعمل خير أو ما بعملش خير، دي حاجة ما بيني وبين ربنا".
وأضاف أحمد عز، قائلًا: "أنا اتعلمت كدة، أنا شفت الأستاذ محمود عبد العزيز بيعمل كدة وشفت أحمد زكي بيعمل كدة وشفت نجمنا الكبير الأستاذ عادل إمام مكنش بيطلع يقول أنا على السوشيال ميديا".
واستكمل أحمد عز، قائلًا: "أنا مش مع ده، ماليش دعوة باللي بيعمل كدة ما بعيبش هو كل واحد حر بيعمل إيه، بس أنا هدفي الأول وفي الآخر إن أنا أعمل فيلم حلو جداً أحلى من اللي فات وأروح أنام، مش عايز حاجة بعد كدة".
أحداث فيلم 7 Dogs
فيلم 7 Dogs، تدور أحداثه حول خالد العزازي، عميل الإنتربول، الذي يجد نفسه مضطرًا للتعاون مع غالي أبو داود، أحد أعضاء عصابة الكلاب السبعة، في مهمة مشتركة لمكافحة تجارة المخدرات، مما يضعهما في مواجهة سلسلة من الأزمات المعقدة.
أبطال فيلم 7 Dogs
فيلم 7 Dogs، بطولة الفنان أحمد عز، كريم عبدالعزيز، مونيكا بيلوتشي، هنا الزاهد، سلمان خان، ناصر القصبي، تارا عماد، بالإضافة إلى نخبة من ضيوف الشرف بينهم هالة صدقي وسيد رجب، تأليف تركي آل الشيخ، إخراج عادل العربي وبلال فلاح.
