في ذكرى وفاته.. سمير غانم يكشف عن الصعوبات التي تواجه الكوميديان
في لقاء سابق، تحدث الفنان سمير غانم عن الصعوبات التي يمر بها فناني الكوميديا، مشيرًا إلى أنه وغيره من الكوميديانات يعانون من أن الجمهور يريد أن يراهم مثلما يراهم على المسرح.
وقال سمير غانم:"فيه مواقف صعبة أوي على الفنان خاصة الكوميديان، الناس بتحس الكوميديان حياته في بيته ومع أهله نفس طبيعة حياته على المسرح، الجمهور بره عاوز يشوفك زي ما بيشوفك على المسرح والفوازير.. ممكن أكون ماشي ساكت ألاقي حد يقولي إيه مالك مش بتضحك ليه؟".
وأضاف راويًا أحد الموقف المؤثرة التي تعرض لها بعد وفاة شقيقه، قائلًا:"من شهور فقدت أغلى إنسان في حياتي، أخويا ده كان شيء كبير في حياتي وعلمني حاجات كتير.. اتعلمت منه الصبر وقوة الاحتمال والثقة بالنفس… فضل 3 سنسين بيعاني من المرض لا تألم ولا قال أه لحد ىخر لحظة في حياته.. عملت المستحيل لكن ربنا قضاه أقوى من أي شيء.. لن انساه قدامي باستمرار".
وتابع:"كنا راجعين من الخارج بنعمل عملية أخويا وربنا ما أرداش وتوفى، وأنا في المطار واقف حزين وعنيا دم وحاسس الدنيا اتقفلت في وشي، لقيت واحد قال لي إيه يا سمرة؟ مالك.. سكت، قال لي دي رواية جديدة دي؟.. قلت له اصلي أخويا توفى وراجع به مصر.. سكت شوية وبعدين قال لي تمثيلية جديدة.. أنا بعذره، هو مش متعود يشوف سمير غانم بيبكي وحزين.. أنا مش بتكلم عني لوحدي كل الكوميديانات كده".
وأكمل سمير غانم: “أنا بعد وفاة أخويا ولما بدأت مسرحيني الجديدة وأول مسرحية وهو مش معايا بكيت ومقدرتش أقاوم لمدة دقايق لأني حسيت به قدامي لأنه قبل ما يتوفى قال لي المسرحية كويسة وهتنجح.. أنا حبيت أحكي ليكم عن بعض أحاسيس الفنان الكوميديان”.
