«الكود النفسي لنمبر 1».. كيف برمج محمد رمضان عقول الملايين بساعة ألماس؟
تداول مستخدمو موقع فيس بوك منشورا عبر صفحة تحمل اسم رائد الأفكار المبرمج البشري، تناول ظهور محمد رمضان في لقاء تلفزيوني مرتديا بدلة سوداء بالكامل وساعة فاخرة مرصعة بالألماس، قيل إن قيمتها تصل إلى 10 ملايين جنيه.
ووفقًا للمنشور، فإن ظهور الساعة وسط الملابس الداكنة لم يكن مجرد اختيار عشوائي أو استعراض للثراء، بل آلية نفسية مدروسة تهدف إلى جذب انتباه الجمهور بشكل مباشر إلى الساعة، من خلال ما وصفه كاتب المنشور بـ«التباين البصري»: «في الصورة دي، محمد رمضان طالع في لقاء تلفزيوني لابس بدلة سوداء بالكامل، قميص أسود، وفي وسط العتمة دي ساعة مصنوعة من الذهب الأبيض ومرصعة بالألماس بـ 10 مليون جنيه من غير ما ينطق كلمة واحدة، عينه وعين المذيع والمنصات كلها راحت في مكان واحد الساعة».
وأضاف: «ليه؟ وما هي الآلية النفسية هنا؟ في علم النفس الإدراكي، الدماغ البشري كسول، بيبحث عن توفير الطاقة، لما يشوف خلفية موحدة (أسود في أسود)، الإدراك بيهدأ، وفجأة بيحصل شذوذ بصري (Visual Contrast) متمثل في لمعان الألماس، العقل بيتحول هنا لمغناطيس إجباري للنقطة دي، رمضان مبيعملش ده استعراض طفولي، ده اسمه التموضع الصامت (Silent Positioning)، هو بيبرمج عقلك الجمعي على فكرة واحدة: أنا الرقم 1، وأنا في منطقة مادية تانية خالص، ومن غير ما يفتح بقه عشان ميتهمش بالغرور، ساب الجمهور والإعلام يعملوا له الدعاية المجانية دي ويحسبوا له سعر الساعة».
وتابع: «الفرق بين الشخص العادي والمبرمج البشري، إن الشخص العادي بيتفرج على اللقطة دي ويقول يا بختك أو ينتقد الاستعراض، أما المبرمج بيقعد يحلل الكود النفسي اللي رمضان استخدمه عشان يسيطر بيه على الملايين من غير مجهود، الثراء والنجاح مش ضربة حظ، الثراء لغة وأكواد وبرمجة سلوكية واضحة جدا اللي بيتقنها بيعرف يوجه انتباه السوق والعملاء والفلوس لنفسه، بالظبط زي الساعة دي في وسط البدلة السودة، فلو أنت لسه فاكر إن البيع والتسويق وعمل الثروة بيعتمد على الجرى والمجهود البدني بس، فأنت لسه شغال بالبرمجة القديمة اللي هتخليك في نفس مكانك، في كتابي [برمجة الثراء]، أنا مش بكلمك عن كلام تحفيزي وتنمية بشرية، أنا بفككلك الأكواد دي بالظبط».
