عمرو الليثي يكشف عن اللحظات الفارقة في حياته |فيديو

كشف الإعلامي عمرو الليثي، عن اللحظات الفارقة في مسيرته الإعلامية التي تمتد لأكثر من عقدين، استطاع خلالهم الحفاظ على نجاحاته.

وقال عمرو الليثي، في تصريحات خاصة لـ "نيوز رووم": "إحنا حصلنا السنة دي على مليار وربع مليار مشاهدة لبرنامجي واحد من الناس، أجمل ناس في مصر في رمضان، وده رقم كبير بالنسبة لبرنامج خيري إنساني".

لحظات في حياة عمرو الليثي

وتابع عمرو الليثي: "سعيد أكتر إن اختياراتي لفكرة العمل الخيري والعمل التطوعي، أنا اخترت إني أعمل في الخير، واخترت الإنسان إنه يكون هو الغاية اللي أنا بشتغل من أجلها في البرنامج بتاعي".

وأضاف عمرو الليثي: "أسعد لحظاتي لما جهزت عروسة مثلًا، وأجمل لحظة لما عملنا عملية طفل كان عنده مشكلة، وعن اللحظ اللي تأثرت فيها كانت في حالة الطفل المصاب بضمور عضلات وكنا محتاجين نجمع له 12 مليون جنيه جمعناهم في يومين، فكنت في قمة السعادة".

وأكمل عمرو الليثي: "وعن اللحظة الفارقة كانت لما عم حسين كان محتاج طرف صناعي فركبناهوله، بينما اللحظ اللي مش ممكن أنساها هي الحاجة منال طلعناها من السجن كانت غارمة".

واختتم عمرو الليثي: "دي المواقف اللي أنا أقدر أقول إن أنا سعيد بيها، لأن دي دراما أقوى من أي دراما تشوفها في التلفزيون، دراما الحياة، عشان كدة أنا بدعو كل مهتم بالإعلام إن يهتم بالإنسان، وإن يضع الإنسان في المرتبة الأولى من اهتماماته وأولوياته".