سيف عبد الرحمن عن علاقته بيوسف شاهين: متفرقناش أبدا ويوميا مع بعض
تحدث الفنان سيف عبد الرحمن عن علاقته بالمخرج الكبير يوسف شاهين، قائلا: «أنا وهو صحاب ومتفرقناش أبدا ويوميا مع بعض وعرفني على أبوه وأمه وأخواته وأنا كمان، في وقت يوسف شاهين سافر وجمال عبد الناصر سأل فين يوسف شاهين وفاتن حمامة فقالوله في لبنان».
قصة شاهين وجمال عبد الناصر
وأضاف، خلال لقاءه ببرنامج «الستات»، المذاع عبر قناة «النهار»: «جمال عبد الناصر سأل سابوا مصر ليه، فقال لمحمد حسانين هيكل من فضلك يا هيكل رجعهم مصر، وجابهم وسألهم على المشكلة».
ترشيح عبد الحليك حافظ
وتابع: «يوسف شاهين كان نفسه يعمل فيلم لأم كلثوم وحضرنالها السيناريو وقعدنا معاها لكن محصلش نصيب، وجميع أفلام شاهين كان بيرشح عبد الحليم حافظ لأنهم كان صحاب ومقتنع بيه، بس عبد الحليم كان بيحب الغناء أكثر».
وواصل: «يوسف شاهين كان مقتنع إن عادل إمام ممثل كويس ولازم يشتغل معاه ورشحه لأكثر من فيلم والمرشح الأول لفيلم المصير، بس متفقوش ومحصلش دا وكان خسارة للاتنين».
سر أناقة سيف عبد الرحمن
وتحدثت زوجة الفنان سيف عبد الرحمن المخرجة دينا واصف: «أنا اللي بختارله لبسه والألوان بس لازم أخد رأيه عشان يبقى مرتاح نفسيا»
وقال سيف عبد الرحمن: «أخدت دينا للفنانة الراحلة رجاء حسين ووافقت عليها ووافقت عليها، رجاء كانت أمي وحبيبتي وأم ولادي وهتفضل أم ولادي تحت أي ظرف ومكنتش أقدر استغنى عنها وهي لآخر يوم في حياتها كانت تقولي أنا مليش غيرك ومتتأخرش عليا وخلي بالك عليا، كانت تيجي عندنا في البيت في المهندسين وتعمل اللي هي عايزاه وكنا عيلة».
كنا عيلة وعمري ما حسيت بالغيرة
وقالت دينا واصف: «كنا عيلة وعمري ما حسيت بالغيرة، ولا قولت حاجة، وفي الأول خالص قبل ما تكون العلاقة بيني وبينها قريبة كان يقولي كل يوم جمعة أنا رايح بقى وأوقات كنت أروح معاه، أنزل في أكتوبر أقعد ألف على المحلات لحد ما هو يروح يقعد معاهم شوية وييجي مكنتش بحس إن في حرب أو غيرة خالص».
