أنا نمبر وان .. محمد رمضان : أسد مش موجود في كل السينمات علشان بيغيروا مني
علق النجم محمد رمضان على واقعة منع الرجل الصعيدي من حضور فيلم أسد بإحدى السينمات بسبب ارتدائه جلابية، مشيرًا إلى الغيرة منه بسبب نجاحه، مما تسبب في منع عرض الفيلم من بعض السينمات.
وقال محمد رمضان في فيديو عبر صفحته الرسمية على فيسبوك : "قرأت في التعليقات تعليق ذكي، بيقول : ليه الصعايدة يروحوا سينما هيلتون ؟، وده لأن الفيلم مش موجود في ولا سينما منفردة في مصر، وفي منطقة كبيرة زي مصر الجديدة كل السينمات اللي فيها مفيهاش الفيلم أصلًا، وكل السينمات التابعة لقطاع السينما ممنوع فيها فيلم أسد".
وواصل : “في مافيا مسؤولة عن السينمات وبتقول الفيلم يتعرض فين ومايتعرضش فين، يمكن أنا السبب وفي غيرة مني، ما قابيل قتل هابيل، وبيتضايقوا إن ممثل بيمشي في الشارع الناس بتناديه بـ نمبر وان والأسطورة ودلوقتي أسد والعمدة، بس صناع الفيلم والجمهور ذنبهم إيه ؟”.
وتابع محمد رمضان : "الفيلم مش موجود في ولا سينما منفردة، ده وأنا في بدايتي وقت عرض عبده موتة الفيلم كان بيتعرض في كل السينمات، لأنه ناجح ومطلوب، ودلوقتي الفيلم ناجح ومطلوب ومش موجود غير في السينمات اللي فيها أفلام كتير".
وكان قد طالب الفنان محمد رمضان تقدم وزيرة الثقافة الدكتورة جيهان زكي بالاعتذار الرسمي عن واقعة طرد الصعايدة بالجلاليب، وذلك من خلال مقطع فيديو عبر حسابه الرسمي على إنستجرام.
محمد رمضان يطلب اعتذار وزيرة الثقافة
وقال محمد رمضان موضحًا: "ده فيهم واحد قد والدي، ياللي منعتهم قلبك علّقك لفين؟ أصلك إيه؟ أمك روسية مثلًا ولا جدك تركي؟ إنت منين؟ إزاي يهونوا عليك يروحوا مكسورين الخاطر؟، معالي وزيرة الثقافة، أنا مش بكلمك كمواطن، ولكن بكلمك كإنسان، ومش كبطل الفيلم، أرجو من سيادتك اعتذارًا لصعيد مصر، لأنها إهانة لينا كلنا".
