منة فضالي دفاعًا عن الكلاب: "متبقوش أنتوا والدنيا عليهم حرام"
خرجت الفنانة منة فضالي لتستمر في الدفاع عن الكلاب والحيوانات الضالة، وذلك من خلال منشور عبر حسابها الرسمي على موقع التواصل الإجتماعي فيسبوك.
منة فضالي تدافع عن الكلاب
وعلقت منة فضالي قائلة: "هفضل أدافع عن الكلآب لـ آخر يوم في عمري مش بس الكلاب اي حيوان ضعيف مش قادر يتكلم ولا يعبر عن اللي بيحسه
أكتر حاجة بيقدر يعملها انه بيحاول يدافع عن نفسه علشان يعيش، مش الكلاب اللي متوحشة البني أدم هو اللي متوحش، اللي بيحرض علي تسميم الكلاب اللي هي بتثق فيك اول ما بتشوفك بتحطلها أكل انت إنسان معدوم الرحمة والانسانية انت ظالم اللي بيقتل روح ربنا خلقها، هتقولولي ما تقول الكلام ده علي الحشرات أقولكم الحشرات فيها المضر وفيها اللي لا، معنديش مشكله أن ممكن في ناس عندها فوبيا من الكلاب و في اللي بيخاف علي الاطفال منهم بس والله العظيم مفيش كلب حيهجم علي حد لواحده كده الكلب بيحس زيه زي البني ادم و يمكن اكتر لانه عنده وفاء و إخلاص لللي بيطعمه و بيحطله شويه مياه، فيها ايه اننا نبقي راحيمين، صفو قلوبكم حرام حرام حرام، حيوان كل اللي عاوزه يأكل و يشرب و ينام في حته كويسة و حد يلعب معاه مش أكتر".
منة فضالي تكشف عن سبب دفاعها عن الكلاب
واختتمت منة فضالي حديثها قائلة: “عارفة أني هتهاجم كتير و ناس كتير هتغلط فيا بس مش ذنبي أني إنسانه و أني اتربيت علي الرحمة، ناس كتير كنت اعرفها مكانوش بيحبو الكلاب و كانو بيخافو يجولي بيتي دلوقتي هما اكتر اصحاب ليهم مني و بيجو مخصوص علشانهم مش علشاني، علي فكره الكلبين دول أنا اخدتهم إنقاذ و ياريت عندي مكان كبير ألم فيه كل الكلاب والله بس اللي بقدر اعمله اعمله، هتقولولي ما تعملي كده مع الانسان اقولك لا انت قادر تمشي و تشتغل و تكسب فلوس وتجيب اكلك لكن دول هيعملو ايه انت بتلبس جزمه أو شبشب و تمشي و الأرض سخنة مبتحسش و بتركب عربيه و مشغل تكيف، دول بيمشو والارض مولعة و الجو حر في اللي بيموت من قلت العطش و الجوع متبقوش انتم والدنيا عليهم حرام، ربنا يهديكم و يحط في قلوبكم رحمة اللي يقدر يحط شويه اكل و مياه لا اي حيوان في الشارع ربنا يجازيك كل خير، ارحمو من في الارض يرحمكم من في السما”.
