مدرسة أثرت في الصناعة .. ليلى علوي تهنئ الزعيم عادل إمام بعيد ميلاده | خاص
حرصت الفنانة القديرة ليلى علوي على توجيه رسالة تهنئة خاصة إلى زعيم الفن العربي الفنان عادل إمام بمناسبة احتفاله بعيد ميلاده اليوم الأحد .
وأكدت ليلى علوي في تهنئتها أن عادل إمام ليس مجرد فنان عظيم ولكنه مدرسة أثرت في الصناعة وله فضل واضح على الممثلين والمنتجين والمخرجين حاليا .
كما أشارت إلى أنها فخورة بوجود نجم كبير بحجم وقيمة الزعيم عادل إمام في حياتنا بشكل عام .
تهنئة ليلى علوي للزعيم عادل إمام
وقالت الفنانة ليلى علوي في تصريحات خاصة لموقع “ نيوز رووم ” : كل سنة والزعيم الفنان عادل إمام بخير .. كل سنة وأنت قيمة كبيرة في الفن، ومكانة خاصة في قلوب أجيال كبرت على ضحكتك واتعلمت تحب الفن من خلالك .
وأضافت : الزعيم مش مجرد فنان عظيم وقدير، ولكنه مدرسة أثرت في الصناعة، وفضلها واضح على أجيال من الممثلين والمخرجين والمنتجين .. ربنا يديم عليك الصحة والمحبة، ويطوّل في عمرك، ويفضل حب الناس حواليك قد ما كنت دايمًا سبب في فرحتهم .. بحبك وبعتز بيك جدًا، وفخورة إن في حياتنا فنان بحجمك وقيمتك .
ذكريات لبلبة مع عادل إمام
وتحدثت عن ذكرياتها مع الزعيم وقالت: “عشرة كبيرة بيني وبينه، أجمل أيام حياتي قضيتها وأنا بشتغل معاه، صحيح أنا بشتغل لحد دلوقتي لكن وهو مش معايا مفيش طعم للشغل زي ما كنت بشتغل معاه، الساحة الفنية مبقاش ليها طعم، مفيش حد نجح 60 سنة، والناس حبته لأنها كانت بتحس أنه واحد منهم".
وأضافت لبلبة:"هو اللي عملني أكون متنوعة في أدواري وكان دايمًا يقولي متعمليش دور شبه دور فاجئي الجمهور.. خليه يدخل يكون فاكر إنك هتعملي كوميدي واعملي تراجيدي، اتعملت منه كتير، وشجعني، وكان بياخد باله من كل صغيرة وكبيرة في شغلنا، وكان بيكون فرحان بالبممثل لما يعمل دور حلو ولما أنا اعمل دور حلو يقولي حلو أوي ويشجعني".
