" كل سنة وانت بصحة تهد جبال ".. انتصار تهنئ الزعيم عادل إمام بعيد ميلاده |خاص
حرصت الفنانة القديرة انتصار على توجيه تهنئة خاصة للزعيم عادل إمام الذي يحتفل بعيد ميلاده اليوم الأحد ، مشيرة إلى قوة الفن الذي قدمه الزعيم وقربه من الشعب الذي يحبه ويعشقه .
وقالت الفنانة انتصار في تصريحاتها لموقع “ نيوز رووم ” : كل سنة وانت طيب وسعيد وبصحة تهد جبال وفرحان بأسرتك ومحبة جمهورك ومتمتع بعزك وفنك في حياتك .. انت من نسيج الشعب وانت مننا واحنا منك وكلنا بنحبك أوي يا زعيم .
عيد ميلاد عادل إمام
يحتفل الوسط الفني والعالم العربي اليوم الأحد بعيد ميلاد الزعيم عادل إمام، الذي يتم عامه الـ 86، بعدما استطاع على مدار أكثر من 5 عقود أن يصبح رمز فني استثنائي في السينما العربية .
ذكريات لبلبة مع عادل إمام
وتحدثت عن ذكرياتها مع الزعيم وقالت: “عشرة كبيرة بيني وبينه، أجمل أيام حياتي قضيتها وأنا بشتغل معاه، صحيح أنا بشتغل لحد دلوقتي لكن وهو مش معايا مفيش طعم للشغل زي ما كنت بشتغل معاه، الساحة الفنية مبقاش ليها طعم، مفيش حد نجح 60 سنة، والناس حبته لأنها كانت بتحس أنه واحد منهم".
وأضافت لبلبة:"هو اللي عملني أكون متنوعة في أدواري وكان دايمًا يقولي متعمليش دور شبه دور فاجئي الجمهور.. خليه يدخل يكون فاكر إنك هتعملي كوميدي واعملي تراجيدي، اتعملت منه كتير، وشجعني، وكان بياخد باله من كل صغيرة وكبيرة في شغلنا، وكان بيكون فرحان بالبممثل لما يعمل دور حلو ولما أنا اعمل دور حلو يقولي حلو أوي ويشجعني".
رسالة لبلبة للزعيم
وتابعت لبلبة موجهة رسالة لعادل إمام:"يا عظيم يا أعظم فنان وإنسان.. أنت بالنسبة لي حاجة كبيرة أوي ومقدرش أتخيل حياتي وأنت مش فيها، إحنا على تواصل مع بعض بشكل دائم، والحمد لله بكون فرحانة لما هو يضحك ويكون مبسوط لما يكلمني، أسعد لحظات حياته لما كان بيبسط الجمهور، وكل الناس بتحبه".
وأكملت:"فيلم خلي بالك من جيرانك لحد الآن لما بشوفه بضحك، وافتكر الشوط ده اتعمل إزاي، يعمل الشوط بشكل ولو اتعاد يفاجئني بشكل تاني علشان كده، كنت أفضل بصاله علشان ما ادخلش بكلام يضيع حاجة حلوة هيقولها".
واختتمت:"ربنا يسعد أيامه ويخليه لنا.. زعيمنا وببوسه بوسات كتير".
نشأة عادل إمام
ولد عادل إمام في 17 مايو عام 1940 بقرية شها التابعة لمحافظة الدقهلية، وانتقل مع أسرته إلى القاهرة، وهناك بدأت رحلته مع الفن أثناء دراسته بكلية الزراعة في جامعة القاهرة، حيث شارك في المسرح الجامعي، قبل أن يحصل على أدوار صغيرة فتحت له الباب نحو الشهرة.
