حنان شوقي تتعرض لأزمة قلبية |خاص

تعرضت الفنانة حنان شوقي، خلال الساعات الماضية لوعكة صحية نُقلت على إثرها لإحدى المستشفيات الكبري بالقاهرة.

وكشف مصدر لـ "نيوز رووم"، أن حنان شوقي تعرضت لأزمة قلبية بشكل مفاجأ، مما استدعى لنقلها للمستشفى لتلقي العلاج اللازم.

سبب تغيب حنان شوقي عن الفن

وقالت حنان شوقي في لقاء تليفزيوني: "غيابي عن الفن من 2002 كان قرار مني اشتريت نفسي اشتريت الآخرة واشتريت روحي أني عايزة أبقى اللي جوايا برايا، مش عايزة أكون متعددة الماسكات أو بكذا وش، عايزة أبقى أنا، طبيعتي صريحة جدًا وصريحة بأدب ومبعرفش أتعامل مع الوجوه الكتير بتبرجل، بتعامل مع الناس كلها بحب شديد، لكن أنا شايفاكي متغيرة طب أحبك ولا أكرهك طب أنا اللي صح ولا أنتي، فأنا وقفت في المرحلة دي الناس صح ولا أنا، كلمت ربنا وقولتله لو انا صح ارشدني لناس شبهي ولطريق صحيح ولو أنا غلطت قولي".

نقطة التحول في حياة حنان شوقي 

وعن نقطة التحول في حياتها، قالت حنان شوقي: “شوفت ليلة القدر، وهي ليلة لا يمكن أن أنساها، كانت رؤية ظاهرية، وحسيت بإحساس كبير من الحب والحنية والرحمة، وتغيرت من داخلي، أصبحت لا أرى أي عيوب، بعدها حصل موقف خلاني اتقهرت وشعرت بالحزن والخذلان الشديد، لما طلبت من منتج المشاركة في عمل فني، وندمت على ذده، ومكررتهاش تاني”.