أحمد شوبير: هالاند ومرموش قدّما درسا في الروح الرياضية
تحدث الإعلامي أحمد شوبير عن العلاقة بين إيرلينج هالاند وعمر مرموش، مشيدًا بالروح الرياضية بين الثنائي داخل فريقهما.
وقال الإعلامي أحمد شوبير عبر حسابه على منصة إكس: «إيه قصة إيرلينج هالاند وعمر مرموش؟، الماتش اللى فات مرموش جاب هدف أمام برينتفورد فهالاند جرى بيه عشان يحتفل مع الجمهور، وإمبارح كان هالاند هداف الدورى الإنجليزى احتياطي ولعب مرموش أساسي، فتقدم سيمينيو وبعدين مرموش جاب الهدف الثانى، فالمخرج جاب الكاميرا على هالاند وشه منور زى البدر وبيضحك ومبسوط، ولما مرموش خرج هالاند يقوم ياخده بالأحضان ويخلى الجمهور يصفق له رغم إنه لعب على حسابه ومكانه».
الروح الرياضية
وأضاف: «بقول كده ليه؟.. عشان عندنا فى مصر اللاعيب ييجي يخرج تلاقي الحاجات طارت والدنيا ولعت ويشوط برجله مش عارف إيه ويتخانق مع مين والوش بوز، أنت حضرتك قارن نجوميتك بهالاند، هو متصالح مع نفسه يا باشا سالك من جواه، ومرموش كمان سالك من جواه عشان كده لما بيجيب هدف تلاقي الناس كلها فرحانة به».
