الموسيقي كريم عبدالوهاب: شغل رامي جمال متوقف لمعاناتي مع المرض منذ أكثر من شهر
أعلن الموسيقي كريم عبدالوهاب عن تعرضه لمرض منعه من مواصلة عمله الغنائي ، مما تسبب في تأخير أغاني خاصة بالنجم رامي جمال ، كما أشار إلى أن البعض يعتقد أن حياته الشخصية ليس فيها أي جانب مظلم على الرغم من أنه يعاني من المرض منذ أكثر من شهر .
وكتب الملحن كريم عبدالوهاب عبر صفحته الشخصية على موقع التواصل الاجتماعي فيس بوك : رامي جمال كان عندي من كام يوم أنا مأخر عليه شغله بسبب مرضي واحنا قاعدين قالي انت مش واخد عين ده انت واخد لمبة .. ضحكني قوي بصراحة .
وأضاف : حبيت أشارككم اللمبة اللي واخدها نأسف لبشاعة المنظر الحمد لله على كل حال .. بالمناسبة أنا بنزل الصور عشان أثبت بس إن زي ما الحاجات اللطيفة اللي بتنزل بتحسد عليها والناس فاكرة إن حياتنا بمبي في حاجات محدش يعرف عنها حاجة .
وتابع : بس الواحد مش بيحب يبينها بس أنا حبيت أبين جزء من المعاناة عشان الناس تبقي فاهمة إن حياتنا مش كلها حلويات ودلع .. احنا بنشارك بس الحاجات اللطيفة فالكل فاكر إن ده اللي عايشينه .
واختتم : بس هل بقى انت هاتقدر تشيل الشيلة اللي انا شايلها علي بعضها ولا انت عايز بس الحلو اللي فيها..؟ بالمناسبه انا بقالي شهر علي الحال ده و محدش يعرف و مش قايل لحد ومش محسس أي حد بأي حاجة .
وفي سياق أخر أوضح الموسيقي كريم عبدالوهاب حقيقة زواجه للمرة الثانية، وذلك من خلال بيان توضيحي رسمي عبر حسابه على موقع التواصل الإجتماعي فيسبوك.
وقال كريم عبدالوهاب في بيانه: "لمنع اللبس في الموضوع ده عشان في كذا حد كلمني فيه، أنا مش متزوج غير من أم أولادي "فقط أم عبدالوهاب و عبدالرحمن" والتجربة اللي حصلت في ظروف سيئة بالنسبالي كان مجرد كتب كتاب و ليس زواج "كأنها خطوبة" بس عشان احنا كبار ف معندناش فكرة الخطوبة دي و كان وقتها بيني و بين أم أولادي خلافات كبيرة و كنت مسئ في تقدير الموقف و ده موضوع إنتهي بعد شهر و نصف فقط، أظن كده الموضوع بقي واضح للجميع، أناشد جميع الصحفيين المحترمين حبايبي لتصحيح المعلومة من طرفهم لو أمكن و حذف الأخبار الغير صحيحة من المواقع و شكراً جداً لكم عائلتي الكبيرة لتفهمكم الموقف."
